حق اور سچ کی آواز بلند کرنے والے معروف صحافی ارشد شریف کو کینیا کے شہر نیروبی میں قتل کردیا گیا۔ کینیا کی مقامی پولیس واقعے کی تحقیقات کر رہی ہے۔ صحافی ارشد شریف کچھ دن پہلے دبئی سے لندن گئے تھے اور وہاں سے کینیا چلے گئے تھے۔
ارشد شریف کی اہلیہ جویریہ صدیق کا کہنا ہے کہ: پولیس کے مطابق ارشد کو کینیا میں گولی کا نشانہ بنایا گیا ہے ۔ میں نے اپنے دوست، اپنے شوہر کو کھویا ہے۔ میں درخواست کرتی ہوں ہماری ذاتی تصاویر شیئر نہ کی جاٸیں۔ ارشد کی آخری لمحات کی تصاویر اور ہماری ذاتی معلومات کو شیئر نہ کیا جائے۔
معروف صحافی سمیع ابراہیم کے مطابق: ارشد کی والدہ اپنے بیٹے کی لاش کو پاکستان میں لانے کی درخواست کرتی ہیں۔ گھر والے غم سے نڈھال ہیں۔ تمام صحافی ارشد کے گھر والوں کے دکھ درد میں شریک ہیں۔ ارشد کے بچے ہمارے بچے ہیں اور ہمارا فرض بنتا ہے کہ ان کا خیال رکھیں، ان کے جذبات کو ٹھیس نہ پہنچائیں۔