کچے پپیتے کے چند حیرت انگیز فائدے

کچے پپیتے کے فائدے
پپیتا قدرت کا انمول تحفہ ہے اور سب تقریباً شوق سے کھاتے ہیں جہاں یہ کھانے میں اتنا لذیذ ہوتا ہے وہیں اس کے کچھ طبی فوائد بھی ہیں ۔ آج ہم کچے پپیتے کے حوالے سے بتائیں گے کہ کیسے کولیسٹرول، ہائی بلڈ پریشر، خواتین میں مخصوص ایام کا وقت سے پہلے ختم ہوجانا اور دل کی بیماری میں مبتلاء افراد مستفید ہو سکتے ہیں۔

نسخے کی تیاری :
۱۔ سب سے پہلے ایک کچے پپیتے کی پھانک(ڈلی) کاٹ کر الگ کرلیں۔
۲۔بیج اور چھلکا بھی اُتار لیں ۔

بنانے کا طریقہ :
۱۔ ایک پتیلی میں ایک گلاس دودھ شامل کریں۔
۲۔ دودھ گرم ہوجائے تو پپیتے کی پھانک شامل کرکے ایک جوش دیں۔
۳۔ دودھ کو کسی برتن میں نکال لیں اور پھانک الگ برتن میں محفوظ کرلیں۔

طریقہ استعمال :
۱۔دل کے مریض اور جن کے جسم میں گھٹلیاں ہیں وہ حضرات صرف دودھ سہ پہر کے وقت پی لیں ۔
۲۔ خواتین جن کے مخصوص ایام جلدی ختم ہوجاتے ہیں وہ پپیتے کی پھانک کو تین حصوں میں کاٹ کررکھ لیں اور صبح ، دوپہر اور شام کے کھانے کے بعد کھالیں اور دودھ عصر کے وقت پی لیں۔

ہائی بلڈ پریشر کے مریض:
ہائی بلڈ پریشر کے مریض درج ذیل نسخہ اس پپیتے کے دودھ کے ساتھ استعمال کریں ۔
پکے ہوئے پپیتے کے بیج ۔۔۔۔پچیس گرام
چھوٹی الائچی ۔۔۔۔۔پچاس گرام
کالی مرچیں ۔۔۔۔۔۔۔پچیس گرام
چھوٹی چندن ۔۔۔۔پچاس گرام

۱۔ تمام اجزاء کو پیس کر پاؤڈر بنالیں ۔
۲۔ چٹکی بھر سفوف اس دودھ کے ساتھ استعمال کریں ۔
۳۔ انشاء اللہ چند دنوں میں آپ کو بلڈ پریشر کی دوائیوں سے نجات مل جائے گی ۔

نوٹ : کیچے پپیتے کا چھلکا اُتارتے وقت خیال کریں کہ Bubblesنہ بنیں ورنہ دودھ پھٹ جائے گا۔