ہاتھوں میں بہت پسینہ آتا ہے تو ۔۔ جانیں 4 ایسی بہترین گھریلو ٹپس، جو ہاتھ کی ہتھیلیوں میں آنے والے اضافی پسینے کو کنٹرول کرے

پسینہ آنا ایک عام بات ہے لیکن اگر صرف ہاتھوں میں زیادہ پسینہ آئے تو یہ یقیناً کوئی جسمانی پیچیدگی کا باعث ہوتا ہے۔

ہاتھوں میں پسینہ آنے کی وجہ:

ہاتھوں کی ہتھیلی میں پسینہ آنا پامر ہائپر ہائیڈروسس نامی بیماری ہوتی ہے جو شوگر کی کمی، تھائیرائیڈ گلینڈ کا اضافی ہارمون پیدا کرنا، ہارٹ اٹیک، اعصابی نظام میں خرابی، سینڈروم وغیرہ کی وجہ سے بھی ہوسکتی ہے۔ اس میں پسینہ پورے جسم میں تو آتا ہی ہے لیکن ہاتھ کی پتھیلیوں میں سب سے زیادہ آتا ہے اور اس کی وجہ سے آپ نہ تو کاپی پر لکھ سکتے، نہ کوئی چیز مضبوطی سے تھام سکتے ہیں اور نہ ہی کسی سے ہاتھ ملا سکتے ہیں کیونکہ اس سے آپ کے جراثیم دوسروں میں منتقل ہونے کا خدشہ ہوتا ہے اور لوگ بھی کتراتے ہیں جو ایک ناگزیرعمل ہے۔

آج ہم آپ کے اس مسئلے کو کنٹرول کرنے کے چند گھریلو ٹپس لائے ہیں، جسے آزمانے کے بعد نتائج آپ خود دیکھیں گے۔

چائے کی پتی

چائے کی پتی میں موجود ٹینک ایسڈ اضافی پسینے کو خارج ہونے سے روکنے میں مدد دیتا ہے۔ اس لئے آپ تین چمچ چائے کی پتی کو ایک پیالے میں ڈالیں اور اس میں آدھا کپ پانی ڈال لیں اور اس کو اچھی طرح پکائیں اور ٹھنڈا کرلیں۔ اور اس چائے میں اپنے ہاتھوں کو دس پندرہ منٹ تک ڈبو کر رکھیں یہ ہاتھوں کے مسلز کو فعال بنانے اور زیادہ پسینے کو کنٹرول کرنے میں مدد دیتا ہے۔

بیکنگ سوڈا

بیکنگ سوڈا ہمارے ہاتھوں اور پیروں کی خوبصورتی میں ایک اہم کردار کرتا ہے کیونکہ اس میں ہلکے الکلائین کی خصوصیات پائی جاتی ہیں لہٰذا آپ ایک پیالے میں دو چمچ بیکنگ سوڈا ڈالیں اور آدھا کپ پانی ڈال کر مکس کریں اس کے بعد چاہیں تو اپنے ہاتھوں کو اس پانی میں ڈبو لیں ورنہ روئی کی مدد سے اس محلول کو اپنے ہاتھوں پر لگائیں اس سے ایک تو پسینہ کم آئے گا دوسرا ہاتھ چمکدار بھی ہوجائیں گے تو ابھی آزمائیں اور دو دو فائدے اٹھائیں۔

لیموں

لیموں ہمارے گھروں میں موجود ہوتا ہے اور ہر طرح سے لیموں کا استعمال فائدہ مند ہے کیونکہ اس میں شامل سٹرک ایسڈ ہمیں کبھی پریشان نہیں ہونے دیتا۔ پسینے کے مسائل میں بھی لیموں بلکل سستے ٹانک کے طور پر کام کرتا ہے۔ آپ لیموں کا رس نکالیں اور روئی کی مدد سے اس کو ہاتھوں میں لگائیں یا چاہیں تو ہاتھوں کو ڈبو بھی سکتی ہیں۔ یہ بھی پسینے کے اضافی اخراج کو کنٹرول کرے گا اور ساتھ ہی مینی کیور بھی ہوجائے گا۔

ٹماٹر

ٹماٹر میں وٹامن سیریز پائی جاتی ہے جیسے کہ وٹامن اے، کے، بی 1، بی 3، بی 5، بی 6، بی 7، سی اور دیگر معدنیاتی اجزاء جو اسے ہماری صحت کے مسائل میں مفید بناتے ہیں۔ لہٰذا آپ ٹماٹر کا رس روزانہ ایک گلاس پیئیں اضافی پسینے کے مسئلے کو کنٹرول کریں۔ اس کے علاوہ آپ ٹماٹر کے گودے کو ہاتھوں پر لگالیں اور کچھ دیر چھوڑ دیں روزانہ اس پر عمل کریں۔ یہ آپ کے لئے چند مفید مشورے ہیں۔