ذائقے کے ساتھ صحت بھی ۔۔ اب بنائیں گھر پر گوند کے زبردست لڈّو! جو آپ کی تھکن، کمزوری اور جسم کے دردوں کو بھی دور کرے

اس موسم میں جہاں ایک طرف سستی سی رہتی ہے وہیں بہت جلد تھکن، کمزوری اور جسم درد بھی محسوس ہونے لگتا ہے اور دل کرتا ہے کہ بس لیٹے رہو جسکی وجہ سے کام وغیرہ بھی کافی متاثر ہوتا ہے۔ لیکن اگر آپ اپنی خوراک میں ایسی چیزوں کا استعمال رکھیں جو آپ کو چست و تندرست بناتی ہو تو چاہے موسم کوئی بھی ہو آپ ایکٹو ہی رہیں گے۔
اسی لیئے آج ہم آپ کو بتانے جارہے ہیں گوند کے لڈّو کی ایسی ریسیپی جو نہ صرف کھانے میں ذائقہ دار ہے بلکہ آپ کی صحت کیلیئے بھی فائدہ مند ہے۔

گوند کے لڈّو کی ترکیب:

پہلا مرحلہ:

۔ ایک پین میں 2 چمچ گھی ڈال کر سب سے پہلے 100 گرام گوند کو درمیانی آنچ پر 2 منٹ فرائی کرلیں جب تک اسکا رنگ ہلکا گلابی نہ ہوجائے، پھر اسے ایک پلیٹ میں نکال کر ٹھنڈا ہونے کے بعد کٹوری کی پچھلی سائیڈ سے پیس دیں۔
۔ اسی پین میں 2 چمچ گھی ڈال کر 1 کپ مکھانے کو بھی اسی طریقے سے فرائی کر کے نکال لیں پلیٹ میں ثابت
۔ اسی طرح 50/50 گرام کاجو اور بادام کے ساتھ بھی کریں
۔ اب پھر سے پین میں گھی ڈال کر اس میں 50 گرام کُھرچا ہوا ناریل، 3 چمچ خربوزے کے بیج اور 2 چمچ خسخس کو ہلکی آنچ پر فرائی کر کے نکال لیں
۔ ان تمام فرائی کی ہوئی چیزوں کو علیحدہ علیحدہ گرینڈر میں ڈال کر گرینڈ کریں اور سائیڈ پر رکھ دیں

دوسرا مرحلہ:

۔ ایک پین میں گھی ڈال کر اس میں 3 چمچ بیسن شامل کر کے 2 منٹ تک بھونیں اسکے بعد 250 گرام آٹا ڈال کر اس وقت تک بھنائی کریں جب تک وہ گولڈن براؤن نہ ہوجائے، پھر اس میں گرینڈ کئے ہوئے ڈرائی فروٹ وغیرہ ڈال کر چولہا بند کردیں
۔ اب ایک علیحدہ برتن میں ¼ کپ پانی میں 200 گرام گُڑ ڈال کر اسے پکا لیں، پکنے کے بعد اسے ڈرائی فروٹ والے برتن میں ڈال کر اوپر سے ½ چمچ الائچی پاؤڈر، 1 چمچ ادرک پاؤڈر، 50 گرام کشمش شامل کر کے اچھے سے مکس کرلیں
۔ یکجا ہونے کے بعد اس کے لڈّو بنا کے رکھ دیں، خود بھی کھائیں اور گھر والوں کو بھی کھلائیں۔