انڈے کھاؤ تو گرمی زیادہ لگتی ہے۔۔ جانیں گرمیوں میں انڈے کھانا کیسا ہے اور اس سے آپ کی صحت پر کیا اثر پڑتا ہے؟

اکثر لوگ گرمی میں انڈے کے استعمال کو لے کر کشمکش کا شکار ہوتے ہیں کیونکہ ان کا خیال ہوتا ہے کہ گرمی میں انڈے کھانے سے پیٹ خراب ہوجائے گا، چہرے پر دانے آجائیں گے، بلڈ پریشر بڑھ جائے گا یا پھر جسم میں گرمی زیادہ پیدا ہوگی۔ ایسے میں وہ انڈے کھانے سے گریز کرتے ہیں۔

ویسے یہ حقیقت ہے کہ انڈے کی تاثیر گرم ہوتی ہے اور یہ جسم میں گرمی پیدا کر سکتے ہیں اور بعض لوگوں کو گرمی کی ایسی حالت میں انڈے کھانے سے پیٹ میں تکلیف یا بے چینی ہو سکتی ہے۔

تاہم سائنسی کہتی ہے کہ گرمیوں میں انڈے کھانے سے کوئی خاص منفی اثرات نہیں ہوتے۔ انڈے غذائیت سے بھرپور کھانے کا ذریعہ ہیں اور بغیر کسی تشویش کے پورا سال کھائے جا سکتے ہیں۔ تاہم، موسم سے قطع نظر، خوراک سے پیدا ہونے والی بیماریوں کے خطرے سے بچنے کے لیے انڈوں کو مناسب مقدار میں کھانا چاہیئے کیونکہ ضرورت سے زیادہ کسی بھی چیز کا استعمال نقصان دہ ہوسکتا ہے۔

اسلیئے بہتر ہے کہ آپ جسم کی گرمی کو کنٹرول کرنے کے لئے انڈوں کے ساتھ ٹھنڈی تاثیر والی جڑی بوٹیوں اور تازہ پھلوں کو بھی اپنی خوراک میں شامل کریں۔

بہرحال، ہر شخص کا بدن اور احساسات مختلف ہوتے ہیں، لہذا اگر آپ کو انڈے کھانے کے بعد گرمی محسوس ہوتی ہے تو آپ کو کم انڈے کھانے چاہیئے۔

اگر ہم مثبت پہلو پر بات کریں تو انڈے انتہائی غذائیت سے بھرپور غذا کا ذریعہ ہیں، یہ پروٹین، ضروری وٹامنز اور معدنیات سے بھرپور ہوتے ہیں۔ انڈوں کا استعمال آپ کو توانائی فراہم کرتا ہے اور پٹھوں کی نشوونما اور مرمت میں مدد دیتا ہے۔

اگر انڈوں کو اچھی طرح پکایا جائے اور مناسب حالات میں ذخیرہ کیا جائے تو وہ آپ کی گرمیوں کی خوراک کا صحت مند حصہ بن سکتے ہیں۔ بس اس بات کو یقینی بنائیں کہ آپ کھانے سے پیدا ہونے والی بیماریوں کے خطرے کو کم کرنے کے لیے کھانے کی حفاظت کے اچھے اقدامات پر عمل کریں۔