روزانہ صبح خالی پیٹ ایک اُبلا ہوا انڈا کھایا جائے تو۔۔ نہار منہ اںڈا کھاکر آپ کو کون سے فائدے حاصل ہوں گے؟

آپ نے اکثر لوگوں کو خالی پیٹ انڈے کھاتے دیکھا ہوگا۔ آئیے آپ کو بتاتے ہیں کہ انڈوں میں بہت سے ایسے غذائی اجزاء ہوتے ہیں جو صحت کو کئی مسائل سے دور رکھ سکتے ہیں۔ ایسی صورتحال میں لوگوں کے لیے یہ جاننا ضروری ہے کہ خالی پیٹ انڈے کھانے سے صحت کو فائدہ یا نقصان پہنچ سکتا ہے۔ آج ہم آپ کو خالی پیٹ انڈے کھانے کے فوائد بتانے جارہے ہیں۔ انڈے کاشمار ان غذاؤں میں ہوتا ہے جو دنیا بھر میں مشہور ہیں اور جن کو مکمل غذا تصور کیا جاتا ہے۔ انڈے کو مکمل غذا اس لیے تصور کیا جاتا ہے کیوں اس میں موجود بنیادی اجزاء صحت کے لیے بہت مفید ثابت ہوتے ہیں۔

ایک ابلے ہوئے انڈے میں مندرجہ ذیل اجزاء شامل ہوتے ہیں۔ فاسفورس، وٹامن اے، سلینیم، فولیٹ، وٹامن بی2، وٹامن بی5، وٹامن 1 اس کے ساتھ ساتھ انڈوں میں وٹامن ڈی، وٹامن ای، وٹامن کے، وٹامن بی6، کیلشیم اور زنک کی اچھی خاصی مقدار بھی پائی جاتی ہے۔ انڈے کو دن یا رات میں کسی بھی وقت استعمال کیا جا سکتا ہے لیکن زیادہ تر افراد اس کو ناشتے کے طور پر استعمال کرتے ہیں کیوں کہ صبح ناشتے میں انڈہ استعمال کرنے سے جسم کو مطلوبہ مقدار میں وہ اجزاء حاصل ہو جاتے ہیں جو صحت مند زندگی کے لیے ضروری سمجھے جاتے ہیں۔ اس کے علاوہ انڈوں سے اور بھی بہت طبی فوائد حاصل ہوسکتے ہیں۔

خالی پیٹ انڈے کھانے کے فائدے:

1۔ خالی پیٹ انڈے کھانے سے نہ صرف قوت مدافعت میں اضافہ ہوتا ہے بلکہ یہ جسم کو کئی مسائل سے بھی دور رکھتا ہے۔

2۔ اگر آپ دن بھر متحرک رہنا چاہتے ہیں اور اپنے جسم کو چست بنانا چاہتے ہیں تو انڈے کھانا آپ کے لیے سب سے آسان حل ہوسکتا ہے۔

3۔ کولیسٹرول کو کنٹرول کرنے میں انڈے بھی آپ کی بہت مدد کر سکتے ہیں۔ آپ کو بتاتے چلیں کہ انڈوں میں فاسفیٹائڈس اور اومیگا تھری ہوتا ہے۔ ایسے میں اس کے استعمال سے کولیسٹرول کو کنٹرول میں رکھا جا سکتا ہے۔

4۔ اگر روزانہ صبح خالی پیٹ ایک اُبلا ہوا انڈا کھایا جائے تو آنکھوں سے متعلق مسائل دور ہوجاتے ہیں۔ انڈوں میں زیکسینتھین اور لیوٹین نامی اجزاء ہوتے ہیں جو آنکھوں کے مسائل کو دور رکھتے ہیں۔

اوپر بتائے گئے نکات سے بخوبی اندازہ لگایا جاسکتا ہے کہ خالی پیٹ انڈے کھانے سے جسم کو بہت سے فوائد حاصل ہوتے ہیں۔ لیکن اس کی زیادتی صحت کے لیے نقصان دہ ہو سکتی ہے۔ ایسے میں انڈوں کی صحیح مقدار جاننے کے لیے ایک بار کسی ماہر کی مدد ضرور لیں۔