خواتین کے لئے فولک ایسڈ کا استعمال کیوں ضروری ہے؟ جانیئے خواتین کی صحت سے جُڑا اہم راز

اگر آپ بچے کی منصوبہ بندی کر رہے ہیں تو آپ پہلے یہ بات تو جانتے ہیں کہ صحت مند غذا، ورزش اور مکمل نیند کتنی اہم ہے لیکن صحت مند حمل کو یقینی بنانے کا ایک انتہائی اہم طریقہ یہ ہے کہ حاملہ ہونے سے پہلے کافی فولک ایسڈ حاصل کیا جائے تاکہ جسم میں اس کی کمی نہ ہو۔
فولک ایسڈ وٹامن بی 9 یا فولیٹ اور بہت سے بہترین غذائی اجزاء میں سے ایک ہے جو آپ کے جسم کی تمام ضروریات کو پورا کرتا ہے حمل کے دوران ہر روز ہمارے جسم میں نئے خلیات تیزی سے پیدا ہو رہے ہوتے ہیں لیکن اگر جسم میں فولک ایسڈ کی کمی ہوگی تو اس کے بغیر صحت مند حمل مشکل ہوگا۔

فولک ایسڈ خواتین کے لئے کیوں ضروری ہے؟

فولک ایسڈ جسم میں نئے خلیوں کی دوبارہ تخلیق کو ممکن بنانے میں اہم کردار ادا کرتا ہے، حمل کے دوران خواتین کے لئے فولک ایسڈ کا استعمال بے حد ضروری اس لئے بھی ہو جاتا ہے کیونکہ یہ نیورل ٹیوب کے نقائص کو روکنے میں مدد کرتا ہے جبکہ حمل کو صحت مند اور آسان بناتا ہے۔
نیورل ٹیوب میں خرابی کی وجہ سے ہر سال 3 لاکھ بچے زچگی کے دوران متاثر ہوتے ہیں اس ہی لئے ماہرین کا کہنا ہے کہ اگر خواتین حمل سے پہلے اور حمل کے دوران فولک ایسڈ کا استعمال کریں تو 50 سے 70 فیصد تک نیورل ٹیوب کی خرابی سے بچ سکتی ہیں اور یوں صحت مند بچے کی پیدائش ہو سکتی ہے۔

فولک ایسڈ کا استعمال کب اور کس طرح کیا جائے؟

اگر آپ بچے کی خواہش رکھتی ہیں تو حمل سے پہلے ہی فولک ایسڈ کا روزانہ استعمال شروع کر دیں اور حمل ہونے کی صورت میں اس کا استعمال مسلسل جاری رکھیں۔

• فولک ایسڈ کے استعمال کے دیگر فوائد

تحقیقات میں یہ بات سامنے آئی ہے کہ فولک ایسڈ اعصابی ٹیوب یعنی نیورل ٹیوب کی خروبی روکنے کے علاوہ مزید بھی کارآمد ثابت ہو سکتا ہے، جرنل سرکولیشن کے ایک حالیہ تحریر میں یہ بات بتائی گئی ہے جن خواتین نے حمل سے پہلے اور حمل کے دوران باقاعدگی سے فولک ایسڈ استعمال کیا ان میں اور ان کے بچوں میں دل کے مسائل 11 فیصد تک کم دیکھنے میں آئے۔

By Sadia    |    In Health and Fitness   |    0 Comments    |    5076 Views    |    14 Oct 2021

Comments/Ask Question

Read Blog about خواتین کے لئے فولک ایسڈ کا استعمال کیوں ضروری ہے؟ جانیئے خواتین کی صحت سے جُڑا اہم راز and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (خواتین کے لئے فولک ایسڈ کا استعمال کیوں ضروری ہے؟ جانیئے خواتین کی صحت سے جُڑا اہم راز ) and how to utilize other natural ingredients to cure diseases, easy recipes, and other information related to food from KFoods.