تعلیم یافتہ شوہر نے اتنا مارا کہ میں بےخودکشی کرنے کی کوشش بھی کی.. بڑی ڈگری کا مطلب اچھا کردار نہیں ہوتا! افسوسناک کہانی

"ماں باپ نے یہ سوچ کر شادی کروادی کہ لڑکا اتنا پڑھا لکھا اور قابل ہے. بیٹی کی زندگی بہت اچھی گزرے گی لیکن ایسا نہیں ہوا. شروع کے چند دن تو اچھے گزرے لیکن اس کے بعد وہ پڑھا لکھا شخص میری جان کا دشمن بن گیا اور پھر ہماری طلاق ہوگئی"

یہ کہنا ہے بھارت کے شہر ممبئی سے تعلق رکھنے والی پروا کھیتن کا جن کی شادی بھارت کی بہترین یونیورسٹی کے گریجویٹ سے ہوئی. سسرال والوں سے ناچاقی کے بعد پروا کے شوہر گورو نے ان کا ساتھ دیا اور کہا کہ ہم تمھارے والدین کے گھر چلتے ہیں اور انھیں کرایہ ادا کردیا کریں گے.

ایک ماہ بھی کرایہ نہیں دیا اور پھر بڑھتے بڑھتے گورو کی فرمائشیں اتنی بڑھ گئیں کہ پروا کے والد نے مزید کوئی بھی فرمائش پوری کرنے سے انکار کردیا. جس کا نتیجہ یہ نکلا کہ گورو نے پروا کو مارنا پیٹنا شروع کردیا. دلبرداشتہ ہو کر پروا نے خود کشی کی کوشش کی لیکن ان کی جان بچ گئی. بالآخر پروا نے طلاق لینے کی ٹھانی جس پر ان کے والدین بھی ناراض ہوگئے. ان کا کہنا تھا کہ گورو بدل جائے گا

پروا کہتی ہیں کہ بیٹیوں کی شادی کے وقت مادی چیزوں سے زیادہ اخلاق اور خاندان کے رکھ رکھاؤ کو اہمیت دینی چاہیے. ان کی شادی ٹوٹ گئی لیکن انھوں نے خود کو مزید ٹوٹنے سے بچا لیا ہے۔