5 کلو وزن بھی کم ہوگیا اور۔۔ اسمارٹ رہنے کے لئے فضا علی کون سا آٹا کھاتی ہیں؟

آج کل جسے دیکھو وزن کم کرنا چاہتا ہے۔ کوئی ١٦ گھنٹے فاقے کرتا ہے تو کوئی ورزش کرتا ہے لیکن اس راز سے بہت کم لوگ واقف ہیں کہ اگر تھوڑی سی تبدیلی ہم اپنے لائف اسٹائل میں لے آئیں تو ہمارا وزن کم بھی رہے گا اور صحت بھی اچھی رہے گی۔ آج ہم آپ کو اداکارہ فضا علی کی اسمارٹنیس کا وہ راز بتا رہے ہیں جس سے ناصرف وہ اپنا وزن کم کرنے میں کامیاب ہوگئی ہیں بلکہ ان کی صحت بھی اچھی رہتی ہے۔

فضا علی گندم کی روٹی نہیں کھاتیں بلکہ..

فضا نے بتایا کہ پہلے وہ عام آٹا استعمال کرتی تھیں جس کی روٹی سے ان کا وزن بڑھ جاتا تھا لیکن پھر انھوں نے پانچ اناج کو پسوا کر اس کا آٹا بنوا کر استعمال کرنا شروع کیا جس سے ان کا وزن بھی کم ہوتے ہوتے 5 کلو تک کم ہوگیا اور صحت کے دوسرے مسائل بھی کم ہوگئے۔

یہ آٹا ان 5 چیزوں کو ملا کر بنتا ہے

اس آٹے کو بنانے کے لئے وہ جو، باجرا، مکئی، سویابین اور کالے چنے کا برابر کی مقدار میں لے کر پسواتی ہیں اور اسی کی روٹی کھاتی ہیں۔ اس سے نہ صرف وزن کو کم رکھنے میں مدد ملتی ہے بلکہ کولیسٹرول قابو میں رکھنے اور باقی دیگر امراض کو بھی بڑھنے سے روکنے میں مدد ملتی ہے۔

اس خاص آٹے کی روٹی کیسے پکائی جاتی ہے؟

اس خاص آٹے کو گوندھنے اور روٹی بنانے کی ترکیب کے بارے میں فضا نے بتایا کہ یہ نیم گرم پانی میں 5 منٹ اچھی طرح گوندھا جاتا ہے اور اس کی روٹی چکلے پر بیل کر بڑی نہیں کی جاتی بلکہ نیم گرم پانی لگا لگا کر ہی پھیلائی جاتی یے۔