کچھ عرصے کے لیے چینل چھوڑ کر کاروبار پر توجہ دی پھر ۔۔ مشہور خواتین اینکرز بچوں کو کیسے سنبھالتی ہیں؟ دلچسپ معلومات

میڈیا پر نظر آنے والی شہور خواتین اینکرز سب کی توجہ تو حاصل کر ہی لیتی ہیں، لیکن ان کی نجی زندگی بھی آسان نہیں، کیونکہ میڈیا کے ساتھ ساتھ ماں بننا آسان کام نہیں ہوتا ہے، خواتین اینکرز اس مشکل کو بھی آسان بنا ہی لیتی ہیں۔
آج انہی خواتین اینکرز کی زندگی سے متعلق آپ کو بتائیں گے جو اپنی کاموں کے ساتھ اپنے بچوں کو بھی سنبھال رہی ہیں۔

کرن ناز:

کرن ناز پاکستان کی مشہور خواتین اینکرز میں شامل ہیں۔ کرن ویسے تو نیوز کاسٹر کے طور پر سامنے آئی تھیں مگر بہت جلد ہی بطور اینکر پرسن نجی چینل پر اپنی ذمہ داریاں نبھا رہی ہیں۔
2015 میں سمیع رحمٰن سے رشتہ ازدواج میں منسلک ہونے والی کرن ناز کی ایک بیٹی ہے جس سے وہ بے حد پیار کرتی ہیں۔ کرن اپنی پروفیشنل لائف اور نجی زندگی کو ایک ساتھ لے کر چل رہی ہیں۔ کرن اپنی بیٹی کو بھی پورا وقت دیتی ہیں۔

رابعہ انعم:

ایک وقت تھا جب نیوز بلیٹن میں اکثر لوگ میں ہوں رابعہ انعم کے اس جملے کو یاد کیا کرتے تھے۔ رابعہ انعم ویسے تو ایک نیوز کاسٹر تھیں، لیکن انہوں نے رمضان ٹرانسمیشن بھی ہوسٹ کی ہے۔
لیکن شادی کے بعد رابعہ میڈیا کی اسکرین سے غائب ہو گئی ہیں۔ میڈیا کو خیر باد کہہ کر رابعہ نے اپنے خود کے پارلر پر توجہ مبزول کر لی ہے۔ رابعہ انعم نے حال ہی میں بیٹے کو جنم دیا ہے، جبکہ اس سے پہلے ان کی ایک بیٹی بھی ہے جس کا نام انابیہ ہے۔
رابعہ نے اپنے بچوں کو بھی سنبھالا ہوا ہے اور پارلر کو بھی دیکھ رہی ہیں۔

مہر بخاری:

مہر بخاری کا شمار پاکستان کے ان اینکرز میں ہوتا ہے جو کہ رات 10 بجے کا پروگرام ہوسٹ کرتی ہیں۔ مہر بخاری نے کاشف عباسی جو کہ مشوہر صحافی ہیں، ان سے شادی کی تھی۔
مہر بخاری کی ایک بیٹی ہے جس کا نام خدیجہ زہرا انصاری ہے۔ ایک عورت کے لیے بچے اور بروفیشنل لائف کو سنبھالنا کافی مشکل ہوتا ہے، اور وہ بھی ایک نیوز اینکر کے لیے۔ مہر کے شوہر بھی رات 8 بجے کا پروگرام ہوسٹ کرتے ہیں جبکہ مہر خود 10 بجے کا پروگرام کرتی ہیں۔ اس صورتحال میں مہر کے لیے مشکل ہوتا ہے کہ وہ رات کے وقت اپنی بیٹی کا خیال رکھیں لیکن اس سب کے باوجود مہر نے صورتحال کو سنبھالا ہوا ہے۔