کیا ذہنی تناؤ کی وجہ سے آپ موٹے بھی ہو سکتے ہیں؟ جانیں کہیں آپ کے موٹاپے کی اصل وجہ ذہنی تناؤ تو نہیں

مانا جاتا ہے کہ ذہنی دباؤ اور تناؤ کی وجہ سے انسان دُبلا اور کمزور ہو جاتا ہے کیونکہ اس کو فکر ستائے رکھتی ہے، لیکن کیا آپ نے کبھی سوچا ہے یہ آپ کا وزن بڑھانے کی بھی ایک وجہ بن سکتا ہے۔
اگر آپ موٹاپے کا شکار ہیں تو ممکن ہے کہ یہ آپ کے ذہنی دباؤ کے باعث ہو، یہ کیسے ہو سکتا ہے یہ ہم آپ کو بتائیں گے تاکہ آپ بھی اپنے موٹاپے کی اصل وجہ کو ڈھونڈ کر اسے جڑ سے ختم کر سکیں۔

ذہنی دباؤ کی وجہ سے وزن بڑھنے کی وجوہات:

ہارمون کا اثر انداز ہونا:

جب ہم ذہنی دباؤ کا شکار ہوتے ہیں تو کارٹیسول نامی ہارمون آپ کے جسم میں کچھ ایسی حرکات کرتا ہے جس کی وجہ سے آپ کا وزن بڑھنے لگتا ہے، یہ ہارمون ہمارے جسم میں موٹابولزم کو بڑھاتا ہے کاربوہائیڈریٹ، انسولین اور خون میں شوگر لیول کو کنٹرول کرتا ہے لیکن جب ہم ذہنی دباؤ کا شکار ہوتے ہیں تو یہ ہارمون یہ تمام کام کرنے بند کر دیتا ہے جس کی وجہ سے ہم موٹاپے کا شکار ہو جاتے ہیں۔

فیٹ جمع ہونا:

جب ہم ذہنی دباؤ کا شکار ہوتے ہیں تو ہمارے جسم میں خود بخود فیٹی ایسڈ جمع ہونے شروع ہو جاتے ہیں جس کی وجہ سے جسم میں چربی کا اضافہ ہوتا ہے اور یوں ہم موٹاپے کے مریض بن جاتے ہیں۔

بلڈ شوگر لیول:

جب ہم ایک لمبے عرصے تک کسی سوچ میں گُم رہتے ہیں اور ذہن میں بہت سے تناؤ چل رہے ہوتے ہیں تو ہمارے خون سے شوگر لیول تبدیل ہو جاتا ہے جو کہ موڈ بگڑنے، غصے اور چڑچڑے پن کا سبب بنتا ہے۔

جنک فوڈ:

اکثر لوگ ذہنی دباؤ کی وجہ سے کھانا پینا چھوڑ دیتے ہیں اور اکثر ذہنی دباؤ میں آکر کھانے پینے پر ضرورت سے زیادہ توجہ دے کر مضرِ صحت کھانے استعمال کرنے لگتے ہیں، اور انہیں بے چینی رہتی ہے کہ وہ باہر کی کوئی ایسی چیز کھائیں جس سے ان کا ذہن ہٹ جائے اور دل بہل جائے اور یوں وہ جنک فوڈ کا انتخاب کرتے ہیں۔

By Sadia    |    In Health and Fitness   |    0 Comments    |    609 Views    |    27 Apr 2021

Comments/Ask Question

Read Blog about کیا ذہنی تناؤ کی وجہ سے آپ موٹے بھی ہو سکتے ہیں؟ جانیں کہیں آپ کے موٹاپے کی اصل وجہ ذہنی تناؤ تو نہیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کیا ذہنی تناؤ کی وجہ سے آپ موٹے بھی ہو سکتے ہیں؟ جانیں کہیں آپ کے موٹاپے کی اصل وجہ ذہنی تناؤ تو نہیں) and how to utilize other natural ingredients to cure diseases, easy recipes, and other information related to food from KFoods.