کیلوں کو جلدی خراب ہونے سے بچانے کی چند آسان ٹپس

یہ موسم ایسا ہے کہ کوئی بھی پھل زیادہ دن تک تازہ نہیں رہتا اور سڑنا گلنا شروع ہو جاتا ہے یوں نہ تو ہم انہیں کھا پاتے ہیں اور الٹا پیسے برباد ہوتے ہیں، آج ہم آپ کو بتانے جا رہے ہیں چند ایسی ٹپس جن کو آزما کر آپ کیلوں کو سڑنے سے بچا سکتے ہیں اور انہیں دیر تک محفوظ رکھ سکتے ہیں۔

•کیلوں کو خراب ہونے سے بچانے کی ٹپس

•کیلوں کو لٹکا دیں

کیلے جیسے ہی درخت سے اتر لئے جائیں تو کیلوں کی زندگی کم ہونا شروع ہو جاتی ہے، اس لئے کیلوں کو لٹکانے کے ہینگر آتی ہیں جن کے زریعے کیلوں کو مصنوعی توانائی ملتی رہتی ہے اور وہ خراب نہیں ہوتے پھر آپ انہیں دیر تک بھی استعمال کر سکتے ہیں۔

• ہرے کیلے خریدیں

اگر ہم سپر مارکیٹ میں ہیں اور ہرے پیلے دونوں یعنی کچے اور پکے کیلے دونوں موجود ہیں تو کوشش کریں کہ تھوڑے سے پکے ہوئے اور باقی کچے کیلے خرید لیں کیونکہ آپ تمام کیلے ایک دن میں تو نہیں کھا سکتے اس لئے کچے کیلے ایک دو دن میں پک جائیں گے تو آپ انہیں کھا سکیں گے اور یہ دیر تک بھی رہیں گے۔

• اس کی جڑ کو پلاسٹک فوائل میں لپیٹ دیں

کیلوں کو زیادہ دن تک محفوظ بنانے کا ایک طریقہ یہ بھی ہے کہ ان کی جڑوں والے حصے کو پلاسٹک سلور فوائل میں لپیٹ دیں، یہ کیلے کے خراب ہونے کے عمل کو روک لے گی اور یوں کیلے زیادہ دن تک مضفوظ بھی رہیں گے۔

• فریج میں رکھیں

کیلے ہم اکثر باہر یعنی کھلی ہوا میں رکھتے ہیں اگر آپ کیلوں کو باہر رکھنے کے بجائے فریج میں رکھ دیں تو اس سے یہ کافی دن تازہ رہیں گے اور آپ انہیں کھا سکیں گے کئی دنوں تک۔

• کیلوں کو جما لیں

یہ تو ہم سب ہی اچھی طرح جانتے ہیں کہ اگر کوئی کھانے کی چیز جما لی جائے تو کئی دنوں تک استعمال کی جا سکتی ہے، بلکل اس ہی طرح کیلوں کو بھی اگر فریزر میں جما لیا جائے تو جب دل چاہے نکال کر جوس وغیرہ یا کیلوں کا میٹھا بنایا جا سکتا ہے۔