بچوں کو دودھ میں سونف پکا کر پلانے سے کیا ہوتا ہے؟ جانیئے ایسا بہترین نسخہ جو ڈاکٹر کی دوائیوں کو بھی پیچھے چھوڑ سکتا ہے

دودھ جہاں کیلشیم، اور وٹامنز سے بھرپور ہوتا ہے وہیں سونف فائبر اور آئرن، پوٹاشیم، کیلشیم ، میگنیشیم اور فاسفورس حاصل کرنے کا بہترین زریعہ ہے، اور اگر دودھ اور سونف دونوں کا ایک ساتھ پکا کر استعمال کیا جائے تو ان کی افادیت میں مزید اضافہ ہو جاتا ہے۔
دودھ کو مکمل غذا بھی کہا جاتا ہے، دودھ کے ایک گلاس میں اگر ایک چمچ سونف ڈال کر روزانہ کی بنیاد پر استعمال کر لیا جائے تو اس کی افادیت اتنی بڑھ جاتی ہے کہ یہ آپ کو کئی طرح کی بیماریوں سے نجات بھی دلا سکتا ہے اس کے اور کیا کیا فوائد ہیں آیئے جانتے ہیں۔

دودھ اور سونف ملا کر استعمال کرنے کے حیرت انگیز فوائد

• کیلشیم کی کمی

کیلشیم کی کمی کی وجہ سے مرد عورت بوڑھے یا بچے سب ہی بےحد پریشان نظر آتے ہیں کیونکہ اگر کیلشیم کی کمی بےتحاشہ بڑھ جائے تو ہڈیوں کی کمزور ہڈیوں میں درد کے ساتھ ساتھ جسم پر سفید دھبے پڑنا بھی شروع ہو جاتے ہیں ایسے میں اگر 3 ماہ تک روزانہ ایک گلاس دودھ میں ایک چائے کا چمچ سونف پکا کر اسے پی لیا جائے تو کیلشیم کی کمی تیزی سے پوری کی جا سکتی ہے۔

• بچوں کے لئے مفید

بچوں میں ایک سب سے بڑا مسئلہ پیٹ درد اور گیس کا ہوتا ہے خاص طور پر شیر خوار بچوں میں یہ مسئلہ زیادہ سامنے آتا ہے، ایسے میں ان کو زیادہ دوائیاں دینا بھی والدین کو ناگوار گزرتا ہے، تاہم اگر دودھ میں سونف پکا کر بچوں کو پلایا جائے تو اس سے ان کا پیٹ درد دور ہوگا اور گیس بھی خارج ہوگی جس سے بچے کو آرام ملے گا۔

• تھکن سستی اور پٹھوں کی کمزوری

اکثر ایسے لوگ جو آئرن اور کیلشیم کی کمی کا شکار ہوں وہ تھکے تھکے سست اور خود کو کمزور محسوس کرتے ہیں ساتھ ہی ان کے پٹھوں میں درد اور کھچاؤ بھی رہتا ہے، اگر روزانہ رات کو ایک گلاس دودھ میں ایک چائے کا چمچ سونف پکا کر پی لیا جائے تو اس سے یہ مسئلہ بھی دور ہو سکتا ہے۔

• دماغی صحت کے لئے مفید

ماہرین کے مطابق دودھ اور سونف کااستعمال دماغی سرگرمیوں کو بہتر بناتا ہے، اس سے پڑھنے والے بچوں کی دماغی کمزوری دور ہوتی ہے اور دماغ تیز ہوتا ہے، اور یادداشت میں اضافہ ہوتا ہے۔

• آنکھوں کی کمزوری

یہ بات آپ نے کئی مرتبہ سنی ہوگی کہ آنکھوں کی روشنی تیز کرنے کے لئے سونف سے بہتر کچھ نہیں ہے، جی ہاں! یہ بات بلکل صحیح ہے، سونف کے استعمال سے آنکھوں کی روشنی میں اضافہ ہوتا ہے اور اگر سونف کو دودھ میں پکا کر روزانہ پینے کی عادت بنا لی جائے تو کچھ ہی وقت میں آنکھوں کی کمزوری بھی دور کی جا سکتی ہے، اس سے آنکھیں کی روشنی تیز ہوگی اور نیند میں بھی اضافہ ہوگا۔

By Sadia    |    In Health and Fitness   |    0 Comments    |    2110 Views    |    25 Nov 2021

Related Articles

Comments/Ask Question

Read Blog about بچوں کو دودھ میں سونف پکا کر پلانے سے کیا ہوتا ہے؟ جانیئے ایسا بہترین نسخہ جو ڈاکٹر کی دوائیوں کو بھی پیچھے چھوڑ سکتا ہے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (بچوں کو دودھ میں سونف پکا کر پلانے سے کیا ہوتا ہے؟ جانیئے ایسا بہترین نسخہ جو ڈاکٹر کی دوائیوں کو بھی پیچھے چھوڑ سکتا ہے) and how to utilize other natural ingredients to cure diseases, easy recipes, and other information related to food from KFoods.