وہ کون سے مشروبات ہیں جو ہماری دماغی قوّت میں اضافہ کر سکتے ہیں؟ جانیئے ان کے فوائد

اکثر لوگ اپنی یادداشت کو مضبوط کرنے اور دماغی صلاحیت و قوت میں اضافے کے لئے طریقے ڈھونڈتے رہتے ہیں، آج ہم ایسے افراد کے لئے لائے ہیں دماغی قوّت کو بڑھانے والے چند مشروبات بنانے کی تراکیب جن کے استعمال سے آپ کر سکیں گے اپنی ذہنی صلاحیت میں بےحد اضافہ آیئے تو پھر جانتے ہیں وہ کون سے مشروبات ہیں۔

دماغی قوّت میں اضافہ کرنے والے مشروبات

• چقندر کا جوس

چقندر ایک گہری سرخ جڑ والی سبزی ہے جو قدرتی طور پر نائٹریٹ سے بھرپور ہوتی ہے، یہ نائٹرک آکسائڈ کا خزانہ ہے جو ہمارے جسم میں خون کے بہاؤ کو بہتر بنانے اور آکسیجن سلیز کو فروغ دینے کے لیے مفید ہے جہاں اس سے خون کی مقدار میں اضافہ ہوتا ہے اور وہیں یہ دماغی صلاحیتوں کو بڑھانے کے لئے بھی بےحد فائدے مند ہے۔
یہ بہت گاڑھا جوس ہوتا ہے اس لئے اس کا زیادہ استعمال نقصان دہ ثابت ہو سکتا ہے، چقندر کے جوس کو پانی میں ملا کر استعمال کریں یا اسے کسی اور سبزی کے جوس کے ساتھ بھی ملا کر استعمال کیا جا سکتا ہے۔

• کینو کا رس

کینو سردیوں کا پھل ہے یہ وٹامن سی کا خزانہ سمجھا جاتا ہے اس کا ایک کپ اگر روزانہ استعمال کیا جائے تو یہ آپ کی ذہنی صلاحیت کے اضافے کے لئے بےحد فائدے مند ثابت ہوتا ہے اور اس سے آپ کی ضرورت کے مطابق وٹامن سی کی مقدار حاصل ہوتی ہے۔

• ہلدی، دودھ اور ہلدی والے دیگر مشروبات

دودھ میں ہلدی ملا کر یہ ایک مشروب کی طرح تیار کیا جاتا ہے جو ہڈیوں کے لئے جتنا فائدے مند ہے اتنا ہی دماغی قوت میں اضافے کے لئے بھی مفید ہے، ہلدی میں اینٹی آکسیڈینٹ کرکومین ہوتا ہے جو ہماری دماغی صحت کو بہتر بناتا ہے دودھ ہلدی کا استعمال ہمارے دماغی مسائل کا خاتمہ کر کے راحت پہنچاتا ہے۔

• کافی کا استعمال

کافی کو اکثر لوگ صرف سردیوں میں استعمال کرتے ہیں لیکن یہ کسی بھی موسم میں استعمال کی جا سکتی ہے کیفین دماغی قوت کو بڑھانے کے لئے بھی مفید ہے، کئی تحقیقات میں یہ بات سامنے آئی ہے کہ کافی کا استعمال آپ کے ردِعمل دینے کی صلاحیت، یادداشت اور ذہنی قوّت میں اضافے کا باعث بنتی ہے۔

• گرین ٹی کا استعمال

گرین ٹی استعمال کرنے سے نظامِ ہاضمہ کے مسائل دور ہوتے ہیں جسم میں موجود اضافی چربی پگھلتی ہے یہ سب تو آپ جانتے ہی ہیں مگر آج یہ بھی جان لیں کہ گرین ٹی آپ کے دماغ کو بھی پرسکون رکھتی ہے اور ذہنی کارکردگی میں اضافے کی وجہ بنتی ہے اس لئے دماغی قوّت کو بڑھانے کے لئے بھی گرین ٹی کا استعمال کرنا فائدے مند ہے۔

By Sadia    |    In Health and Fitness   |    0 Comments    |    848 Views    |    26 Aug 2021

Comments/Ask Question

Read Blog about وہ کون سے مشروبات ہیں جو ہماری دماغی قوّت میں اضافہ کر سکتے ہیں؟ جانیئے ان کے فوائد and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (وہ کون سے مشروبات ہیں جو ہماری دماغی قوّت میں اضافہ کر سکتے ہیں؟ جانیئے ان کے فوائد) and how to utilize other natural ingredients to cure diseases, easy recipes, and other information related to food from KFoods.