اگر آپ موٹاپے کا شکار ہیں، تو کہیں دیر نہ ہو جائے اس سے پہلے جان لیں کہ آپ کے پیٹ اور کمر کا سائز دل کے لئے کتنا خطرناک ثابت ہو سکتا ہے

ہم میں سے اکثر افراد موٹامپے کا شکار ہوتے ہیں اور اس بات پر کوئی توجہ بھی نہیں دیتے کہ یہ ہمارے لئے کتنا خطرناک ہو سکتا ہے، لیکن آپ یہ بات جان لیں کہ ماہرین امراضِ قلب نے خبر دار کر دیا ہے کہ کمر اور پیٹ کے سائز کا براہ راست اثر ہمارے دل کی صحت پر پڑتا ہے جو انتہائی خطرناک ہے۔
محققین کا کہنا ہے کہ انسانی جسم کے دو اہم حصے، پیٹ اور کمر کی گولائی یا اس کے سائز سے یہ اندازہ لگایا جا سکتا ہے کہ کس انسان میں دل کی مہلک بیماریوں کے آثار پائے جاتے ہیں۔
اس لئے یہ ضروری ہے کہ ذیابطیس، امراضِ قلب اور بلڈ پریشر جیسی بیماریوں سے بچنے کے لئے آپ اپنے پیٹ اور کمر کے سائز کا خیال رکھیں کہیں آپ کی کوتاہی کی وجہ سے آپ کے دل کی صحت بھی خراب نہ ہو جائے۔
آپ کے وزن، کمر اور پیٹ کا سائز دل کی شریانوں سے جڑے امراض جیسے ہارٹ اٹیک اور فالج کے خطرات بڑھا سکتا ہے۔
اس تحقیق میں یہ بات سامنے آئی کے توند نکلنے اور کمر کے بڑھ جانا دل سے جڑے امراض کو فروغ دینے کا باعث بنتا ہے، اس سے قبل بھی مختلف تحقیقی رپورٹس میں یہ بات واضح طور پر کہی گئی ہے کہ توند نکلنے سے بھی لوگوں میں امراض کا خطرہ بڑھاتا ہے۔
ان تحقیقات میں یہ بھی کہا گیا ہے کہ توند کا نکلنا امراض قلب، ذیابیطس ٹائپ اور قبل از وقت موت کا خطرہ بڑھاتا ہے، جبکہ یہ خطرہ ان افراد میں کم ہوتا ہے جن کی توند نہیں نکلی ہوئی ہو اور وہ اسمارٹ اور فِٹ ہوں۔
ان تمام تحقیقات کے علاوہ ایک طبی جریدے نیچر ریویوز اینڈ وکرینولوجی میں شائع تحقیق میں بتایا گیا ہے کہ کمر کا حجم بڑھنے اور قبل از وقت موت کے خطرے میں مضبوط تعلق کو دریافت کیا گیا ہے، اب اس بات سے آپ اندازہ لگا لیں کہ موٹاپا آپ کے لئے کتنا خطرناک ہے۔
اگر آپ اپنی زندگی کو اچھی طرح اور صحت مند رہ کر جینا چاہتے ہیں تو اپنی بڑھتی کمر اور پیٹ کو کم کرنے کے لئے آج سے ہی اقدامات شروع کر دیں تاکہ آپ بھی امراضِ قلب اور دیگر خطرناک بیماریوں سے بچ سکیں۔