مجھ سے نہیں ہوگا، آپ ہی کر لیں! مایا خان کی حجاب پہنے عجیب و غریب مشورے دیتی ویڈیو وائرل، دیکھیں

Maya Khan Funny Life Hacks Video Gone Viral

شوبز کی مقبول میزبان اور اداکارہ مایا خان ایک بار پھر خبروں کی زینت بن گئیں، اس بار اپنے مزاحیہ مگر ’ذرا ہٹ کے‘ مشوروں کے ساتھ۔ حجاب اوڑھے، مسکراتی مایا خان کی انسٹاگرام ویڈیو تیزی سے وائرل ہو رہی ہے، جس میں وہ زندگی کے روزمرہ مسائل کا ’’کریٹیو حل‘‘ بتا رہی ہیں۔

مایا کا پہلا نکتہ کچھ یوں تھا، "اگر کوئی تمہیں نیچا دکھانے کے لیئے کہتا ہے کہ، یہ کام تم سے نہیں ہوگا تو فوراً کہہ دو، ہاں بالکل نہیں ہوگا، آپ ہی کر لیجیے! اور خوشی خوشی اُسے ہی کرنے لگا دو۔"

دوسری ترکیب میں وہ کہتی ہیں، "آج کا کام کل پر ڈال دو، کل کا پرسوں پر، کیا پتا پرسوں وہ کرنا ہی نہ پڑے!"

تیسرے مشورے میں مایا نے ہنستے ہوئے کہا، "اگر مستقبل دھندلا دکھ رہا ہے تو کوئی اچھی سی فلم دیکھ لو۔۔ کیونکہ حقیقت میں بھی نظر نہیں آرہا، کم از کم فلم سے وقت تو کٹ جائے گا۔"

اور آخر میں ایک ہلکا پھلکا فلمی مشورہ، "لگتا ہے زندگی میں کوئی ساتھ نہیں دے رہا؟ تو ’ہم ساتھ ساتھ ہیں‘ لگا لو… وہاں سب ایک دوسرے کا ساتھ دیتے نظر آئیں گے۔"

مایا خان کی یہ ’زندگی آسان بنانے کی گائیڈ‘ سن کر مداح ہنس بھی رہے ہیں اور شیئر بھی کر رہے ہیں۔