بلکل مردانہ لگتی ہے۔۔ پروین اکبر کا صنم سعید کے چہرے پر مذاق! بدلے میں اداکارہ کے جواب نے صارفین کا دل جیت لیا

Sanam Saeed Hits Back At Parveen Akbar Statement

پاکستان کی باوقار اور ہمہ جہت اداکارہ صنم سعید ہمیشہ اپنے مضبوط کرداروں اور شاندار اسکرین پریزنس سے مداحوں کے دل جیتتی آئی ہیں۔ حال ہی میں وہ زندگی کے ایک نئے سفر میں داخل ہوئی ہیں— پہلی بار ماں بنی ہیں، اور ساتھ ہی ڈرامہ میں منٹو نہیں ہوں میں "مس ماریہ" کے روپ میں چھوٹی اسکرین پر واپسی بھی کر لی ہے۔

لیکن خوشیوں کے اس موقع پر ایک غیر ضروری تبصرہ بھی ان کے کانوں تک پہنچا۔

سینئر اداکارہ پروین اکبر، متھیرا کے شو میں گفتگو کرتے ہوئے صنم سعید کے بارے میں بولیں، مجھے تو صنم لڑکیوں جیسی کم اور لڑکوں جیسی زیادہ لگتی ہے۔"

صنم نے اس بات کا جواب نہ تو غصے میں دیا، نہ براہِ راست— بلکہ نہایت نفاست سے۔ انہوں نے انسٹاگرام اسٹوری پر ایک مزاحیہ پوسٹ شیئر کی، "آنٹی پرینور، یعنی وہ آنٹی جو ہر معاملے میں اپنی ناک گھسا دے۔"

سوشل میڈیا صارفین نے فوراً سمجھ لیا کہ یہ اشارہ کس کی طرف ہے۔

انٹرنیٹ پر ردِعمل بھی زبردست آیا۔ ایک صارف نے لکھا، پروین اکبر اسی کے لائق ہیں۔ دوسرے نے تعریف کی، صنم واقعی خوبصورت ہونے کے ساتھ ذہین بھی ہیں، کیا شاندار جواب دیا۔ کسی نے کہا، اتنی باوقار اور پُرسکون لڑکی، سمجھ نہیں آیا آنٹی کو اس سے کیا مسئلہ تھا۔

یوں صنم نے ثابت کر دیا کہ کبھی کبھار سب سے تیز وار خاموشی اور شائستگی سے کیا جاتا ہے۔