ماں کا غم ابھی کم بھی نہیں ہوا تھا کہ ۔۔ کینسر سے انتقال کر جانے والی خاتون کے گزر جانے کے 6 ماہ بعد بیٹی کے ساتھ کیا ہوا؟

دنیا میں سب سے پیارا رشتہ ایک ماں کا اپنی اولاد کے ساتھ ہوتا ہے جو پیدائش سے پہلے ہی جڑ جاتا ہے۔ تبھی بچوں کا درد سب سے پہلے ماں کو محسوس ہوتا ہے اور ماں کمی سب سے زیادہ اولاد کو۔ آج ہم آپ کو ایسی ہی ایک حقیقی کہانی سنانے جارہے ہیں جو بھارت میں رونما ہوئی۔

ایک خاتون اپنی اسٹوری شیئر کرتے ہوئےبتاتی ہیں کہ، میری ماں 5 سالوں سے کینسر کے خلاف جنگ لڑ رہی تھیں اور آخر کار جنوری 2021 میں وہ اس جنگ میں جان کی بازی ہار گئیں۔ ان کی موت کا صدمہ اس قدر تھا کہ کچھ عرصہ تو میں سنبھل ہی نہیں پائی۔

پھر ان کے گزر جانے کے 6 ماہ بعد مجھے سینے میں الٹی طرف گٹھلی محسوس ہوئی، میں ڈاکٹر کے پاس گئی چیک اپ اور ٹیسٹ کروائے تو معلوم ہوا کہ مجھے بریسٹ کینسر ہے۔

40 سال ہی عمر میں جب مجھے چھاتی کے کینسر کی تشخیص ہوئی تو میں بہت گھبرا گئی کیونکہ میرا ایک 10 سال کا بچہ تھا اور حال ہی میں ماں کا انتقال بھی کینسر سے ہی ہوا تھا، میرا ڈرنا واجب تھا۔

میرا علاج شروع ہوا، میری 16 کیموتھراپی اور 20 ریڈیشنز ہوئیں جس میں، میں نے اپنے بالوں کے ساتھ اپنے آپ کو بھی کھودیا تھا۔ مگر اس مشکل وقت میں میرے شوہر اور بیٹے نے میری حوصلہ افزائی کی اور مجھے اس مرض سے لڑنے کی ہمت دی۔

اور آخرکار پچھلے سال ڈاکٹرز نے مجھے کینسر فری قرار دے دیا۔ میں اپنی ماں کو تو نہیں بچا پائی لیکن میرا ان سے وعدہ ہے کہ میں اپنی آگے کی زندگی میں اپنا بہت خیال رکھوں گی۔