شاہین نے باؤلنگ بالکل اچھی نہیں کی ۔۔ ایشیاء کپ میں بیکار کارکردگی، شاہد آفریدی نے داماد شاہین کو شادی سے پہلے کھری کھری سنا دی

ایشیا کپ میں بھارت سے شرمناک شکست پر میچ میں خراب بولنگ کروانے پر شاہد آفریدی نے اپنے داماد شاہین کو کھری کھری سنادیں۔

شاہد آفریدی کا ایک کلپ سوشل میڈیا پر وائرل ہو رہا ہے جس میں وہ اپنے داماد شاہین آفریدی کی خراب کارکردگی پر غصے کا اظہار کرتے اور ساتھ ہی انہیں اگلے میچوں کے لیے اہم مشورہ بھی دیتے ہیں۔

قومی ٹیم کے سابق کپتان نے کہا کہ شاہین آفریدی کی لائن اور لینتھ میچ میں ٹھیک نہیں تھی، جہاں وہ بال کرنا چاہ رہے تھے نہیں ہوئی، ابتدائی اوور میں شاہین کو وکٹ نہ ملے تو فرسٹریشن ہو جاتا ہے لیکن خود کو سنبھالنا ہوگا آپ واپس آئیں اور اچھا کم بیک کریں۔

شاہد آفریدی نے کہا کہ شاہین کو اپنی لائن و لینتھ کا خیال رکھنا ہوگا، یہ کوئی بات نہیں ہوتی کہ اگر آپکو ابتدا میں وکٹ نہیں ملی تو آپ خود سے ناراض ہو جائیں۔

شاہد آفریدی نے نسیم شاہ کی تعریف کرتے ہوئے کہا کہ نسیم نے جس لینتھ پر بالنگ کروائی، شاہین نے نسیم کی لینتھ پر گیند کیوں نہیں کرائی؟ اگر شاہین اسی جگہ بالنگ پر فوکس کرتے اور وکٹ لیتے تو صورتحال یکسر تبدیل ہوتی۔

شاہد آفریدی نے مزید کہا کہ سوشل میڈیا پر دیکھا کہ لوگ پچ کو قصوار وار قرار دے رہے تھے کیوں فیلڈنگ کا فیصلہ کیا لیکن پچ اچھی تھی تاہم آپکی بالنگ صحیح نہیں تھی۔