اگر اپنے خراب موڈ کو خوشگوار بنانا چاہتے ہیں تو دارچینی کا تیل استعمال کریں۔۔۔

دار چینی خوشبو مزیدار اورفائدہ مند مصالحہ ہے۔ دار چینی کا تیل صحت اور جلد کے فوائد کا ضامن ہے اور دارچینی مختلف اقسام کے انفیکشن کنٹرول ، بلڈ شوگر مینجمنٹ اور ان کے اثرات پر مشتمل ہونے کے علاوہ ایک مخصوص خوشبو کے ساتھ ایک عمدہ تیل کی شکل میں بھی موجود ہے۔ تحقیق سے یہ پتہ چلا ہے کہ اس میں اینٹی بیکٹیریل ، اینٹی مائیکروبیل اور اینٹی آکسیڈنٹ خصوصیات موجود ہیں۔ یہاں ہم دار چینی کے تیل کے اہم فوائد کے بارے میں بات کریں گے۔

دار چینی کے تیل سے صحت کے کیا فوائد ہیں؟

دارچینی کے تیل کے بہت سارے صحت کے فوائد ہیں جو بہت سے لوگوں کو اس کا استعمال کرنے پر مجبور کرتے ہیں کیونکہ اس میں بہت سی خصوصیات ہیں جو گھر میں اروما تھراپی کے لئے ایک مقبول انتخاب ہیں۔

خوشگوار موڈ کے لئے:

اس کی وجہ یہ ہے کہ یہ خوشبو دار ہے جو ہوا کے ذریعے پھیلتی ہے ، جو جلد کے ذریعے جذب ہوسکتی ہے اورسانس لینے میں خوشگوار احساس پیدا کرتی ہے ، یہ تیل نیند کو بہتر بناتا ہے اور افسردگی اور اضطراب کو کم کرتا ہے۔

اینٹی بیکٹیریل خسوصیات:

اسٹڈی سے پتہ چلتا ہے کہ دار چینی کا تیل ان بیکٹیریا سے لڑنے کے لئے کام کرتا ہے جن کا علاج کرنا مشکل ہے ۔ اس کے اینٹی بیکٹیریل خصوصیات اسے مصنوعات کے تحفظ اور ان کی شیلف زندگی میں اضافے کے لئے ایک محفوظ اور موثر متبادل بناتے ہیں ، اور دارچینی کا تیل کاسمیٹکس اور صفائی ستھرائی کے سامان کے ساتھ ساتھ اسپتال کے ڈس انفیکٹینٹس میں بھی بچاؤ کے طور پر استعمال کیا جاسکتا ہے۔

منہ کی صحت کو برقرار رکھیں:

دار چینی کے تیل میں بیکٹیریا اور فنگس کے خلاف لڑنے کے خواص موجود ہیں جو ان عوامل میں سے ہیں جو منہ اور دانتوں کی جڑوں میں انفیکشن کا سبب بنتے ہیں ۔ یہ اکثر ادویات یا ٹوتھ پیسٹ میں بھی استعمال کیا جاتا ہے۔

مصالحے اور کاسمیٹکس میں استعمال:

اس تیل کو غذائی اجزاء کے طور پر استعمال کیا جاسکتا ہے ، کیونکہ یہ شوگر فری چیونگم ، کینڈیز ،چائے ، اورکمرشل بنیادوں پر تیار پکے ہوئے کھانوں میں بھی ایک اضافی جزو کے طور پر استعمال کیا جاتا ہے۔

حفظان صحت سے متعلق مصنوعات:

یہ ٹوتھ پیسٹ ، ماؤتھ واش ، صابن اور باڈی لوشن میں پائے جانے والے حفظان صحت کے اجزاء میں سے ایک ہے۔

دارچینی کے تیل سے جلد کیلئے فائدہ ہوتا ہے؟

دار چینی کا تیل جلد اور جلد کی صحت سے متعلق بہت سے فوائد رکھتا ہے ، دار چینی کا تیل جلد کی سوزش اور دیگر متعلقہ جلد کی بیماریوں کا علاج کرنے میں مدد فراہم کرسکتا ہے، اوراس تیل کو مالش سے یا اسٹیم کے ذریعے بھی لیا جاسکتا ہے۔ اس کے علاوہ سر درد میں بھی یہ تیل بہت فائدہ پہنچاتا ہے۔

دار چینی کے تیل کے مضر اثرات کیا ہو سکتے ہیں؟

انتہائی اہم فوائد کے بارے میں بات کرنے کے بعد یہ بھی نوٹ کرنا چاہئے کہ دار چینی کے تیل کے استعمال سے ممکنہ طور پر زہریلے مضر اثرات مرتب ہو سکتے ہیں۔ یہ جاننا ضروری ہے کہ دارچینی کومارین سے بھرپور ہے ، جو جگر اور گردوں کے لئے زہریلے مرکبات میں سے ایک ہے۔ خاص طور پر اگر ضرورت سے زیادہ مقدار میں استعمال کیا جائے تو کومارین جلد کے ذریعے جذب ہوجاتا ہے اور اس کے نتیجے میں وہ نقصان دہ اثرات پیدا کرسکتا ہے۔ اس کی طرح دارچینی کا تیل جب جلد پر لگایا جاتا ہے تو یہ جلد کی جلن یا حساسیت کا سبب بن سکتا ہے ، اور حاملہ خواتین اور بچوں کویہ تیل استعمال کرنے سے پہلے اپنے ڈاکٹر سے رجوع کرنا چاہئے۔