ہمیشہ کے لئے بہرے بھی ہوسکتے ہیں۔۔ جانیں ڈاکٹر ہینڈز فری کے نقصانات سے بچنے کے کون سے طریقے بتاتے ہیں؟

آج کل سفر ہو یا گھر میں فارغ بیٹھے ہوں لیکن کانوں میں ائیر فون ضرور لگے ہوتے ہیں۔ بظاہر وقت گزاری کی یہ معمولی سی عادت انسانی کانوں کے لئے کافی خطرناک ہے۔ اس آرٹیکل میں ہم اس مضر عادت سے ہونے والے نقصانات اور ان سے بچنے کے ان طریقوں پر بات کریں گے جو ماہرین نے بتائے ہیں۔

مسلسل اور تیز آواز میں ہینڈز فری پر موسیقی سننا انسان کو مکمل بہر بھی کرسکتا ہے اس کے علاوہ خارش اور درد کی تکلیف ہونا معمول کی بات ہے۔ دراصل تیز آواز وائبریشن کی صورت کان کے اندرونی حصے تک پہنچتی ہے جس سے ہماری سننے کی صلاحیت متاثر ہوتی ہے اور ہم مکمل بہرے پن کا شکار بھی ہوسکتے ہیں۔ سر میں اور کان میں درد بھی ہوسکتا ہے۔

نقصانات سے کیسے بچیں؟

کوشش کریں کہ ہینڈز فری کا استعمال کم سے کم رکھا جائے اور 15 منٹ سے زیادہ اس کا تسلسل سے استعمال نہ کیا جائے اور وقفہ ضرور لیا جائے۔
آواز ہلکی رکھیں اور معیاری ڈیوائس کا استعمال کریں۔
ائیر فون کے بجائے ہیڈ فون کا استعمال کریں
کان میں کسی بھی تکلیف کی صورت میں فوری طور پر ڈاکٹر سے رجوع کریں۔