قبض دور کرنے کے لئے دہی اور کشمش کھائیں، جانیئے قبض دور کرنے کے لئے دہی اور کشمش آپ کی کس طرح مدد کر سکتے ہیں

قبض ایک عام مسئلہ ہے جو اکثر ہم میں سے بہت سے لوگوں کی پریشان کا باعث بنتا ہے، یہ بنیادی طور پر آنتوں کی نقل و حرکت کی بے قاعدگی کی وجہ سے ہوتا ہے جو ہاضمے سے متعلق متعدد مسائل کا باعث بنتی ہے۔
صحت کے ماہرین ہمیشہ صحت مند رہنے کے لیے ہماری آنتوں کی صحت کا اضافی خیال رکھنے کا مشورہ دیتے ہیں، کسی بھی مرض کے لئے دوائیاں کھانا یقینا کسی کو پسند نہیں ہوتا اس ہی لئے ہمیشہ یہی تجویز کی جاتی ہے کہ آپ اپنی صحت کو صحیح قسم کے کھانے اور طرز زندگی سے ٹھیک کریں۔
ماہرین قبض سے نجات کے لئے کشمش اور دہی کھانے کا مشورہ دیتے ہیں، یہ آپ کی آنتوں کی صحت کے لئے بےحد فائدے مند ہے دہی اور کشمش کس طرح قبض دور کرنے میں آپ کی مدد کرتا ہے آیئے جانتے ہیں۔

• دہی اور کشمش کھانے کے حیرت انگیز فوائد

دہی میں بےشمار فائبر موجود ہوتا ہے اور یہ ہمارے لئے پری بائیوٹکس حاصل کرنے کا ایک بہترین زریعہ ہے، دہی اور کشمش کا استعمال کرنے ہماری آنتوں میں سے غیر صحت مند بیکٹیریاز کا خاتمہ ہوتا ہے، جبکہ یہ ہماری صحت کے لئے اچھے بیکٹیریا کی افزائش میں مددگار ثابت ہوتے ہیں۔
دہی اور کشمش کھانے سے آنتوں کی سوزش اور جلن ختم ہو سکتی ہے، یہ دنوں اجزاء ہمارے دانتوں کی صحت کے لئے بھی بہترین ہیں اور ان کے استعمال سے دانت مضبوط ہوتے ہیں، یہ دانتوں کے ساتھ ساتھ ہڈیوں کو بھی مضبوط بناتے ہیں۔ دہی اور کشمش استعمال کرنے سے جسم میں کولیسٹرول لیول اور بلڈ پریشر متوازن رہتا ہے جبکہ یہ وزن کم کرنے میں بھی کردار ادا کرتا ہے۔

• دہی اور کشمش استعمال کرنے کا طریقہ

• اجزاء

دودھ ایک کپ
4 سے 5 عد کالی کشمش
دہی ایک چائے کا چمچ

• ترکیب

ایک پتیلی میں دودھ اُبال کر اسے کسی پیالے میں نکال لیں، پھر اس گرم دودھ میں کشمش اور تھوڑا ٹھنڈا ہونے پر دہی کا ایک چمچ شامل کریں، اب اسے 8 سے 12 گھنٹے کے لئے ڈھک کر چھوڑ دیں، اب جو دہی تیار ہوگا اسے دوپہر کے کھانے میں اور بےوقت بھوک لگنے پر کھائیں، یہ بےحد فائدے مند ثابت ہوگا جبکہ قبض دور کرنے کے لئے یہ بہت بہترین غذا ہے۔