دال اُبلنے کے بعد کُکر سے باہر نکل جاتی ہے؟ پریشر کُکر میں کھانا پکاتے وقت کن باتوں کا دھیان رکھنا چاہیئے، جو آپ کی حفاظت کے ساتھ کام بھی آسان کرئے

بہت سے گھرانوں میں پریشر کُکر کھانا پکانے کیلیئے استعمال ہوتا ہے اور وہ تمام لوگ جو مستقل بنیادوں پر کھانا پکاتے ہیں اس حقیقت سے اتفاق کریں گے کہ پریشر ککر نہ صرف وقت بچاتا ہے بلکہ یہ غذائیت اور ذائقہ کو بھی برقرار رکھتا ہے۔ آج ہم آپکو بتائیں گے ککر سے متعلق کچھ ٹپس اور اسے استعمال کرتے وقت کن باتوں کا دھیان رکھنا چاہیئے۔

ککر میں کھانا بناتے وقت آپ نے احتیاط نہیں کی تو اس سے چہرہ یا ہاتھ بھی جل سکتا ہے، کیونکہ اکثر خواتین پریشر ککر کا ڈھکن کھولتے وقت چہرہ قریب رکھتی ہیں جو کہ خطرناک ثابت ہوسکتا ہے۔

دال اُبلنے کے بعد کُکر سے باہر نکل جاتی ہے؟

اکثر خواتین کی یہ شکایت ہوتی ہے کہ جب وہ کُکر میں دال اُبالتی ہیں تو وہ ابل کر باہر آجاتی ہے، جس سے چولہا بھی گندا ہوتا ہے اور کُکر بھی۔ تو اسکے لیئے آسان ٹپ یہ ہے کہ جب بھی دال ابالنے ڈالیں تو اس کے ساتھ دو اسٹیل کے چمچ بھی کُکر میں ڈال کر اس کو بند کردیں، اس سے دال اُبل کر باہر نہیں آئے گی۔

پانی کی مناسب مقدار:

پریشر ککر کے طریقہ کار کے مطابق، جب بھی اسے استعمال کریں تو اس میں پانی کی مناسب مقدار ضرور چیک کریں۔ کیونکہ اسے بھاپ اور دباؤ بنانے کے لیے کافی پانی کی ضرورت ہوتی ہے، اس لیے اس بات کو یقینی بنائیں کہ آپ کافی مقدار میں پانی شامل کریں تاکہ کھانا یکساں اور بروقت پک جائے۔ پانی کی بھاپ کھانے کو جلد پکانے میں مدد کرتی ہے۔

پریشر کُکر میں کھانا پکاتے وقت کن باتوں کا دھیان رکھنا چاہیئے؟

۔ ایک بار ککر میں کھانا چڑھانے کے بعد آپ کو اسے کھولنے کی کوشش نہیں کرنی چاہیے۔ اگر آپ کو کھانا پکانے کے دوران کھولنے کی ضرورت ہو تو پہلے پریشر چھوڑ دیں۔ کُکر کو ضرورت سے زیادہ نہ بھریں۔ اس بات کو یقینی بنائیں کہ آپ اسے دو تہائی سے زیادہ نہ بھریں، کیونکہ کھانا پکنے میں جگہ لیتا ہے۔ ککر کا صرف آدھا حصہ بھریں۔ اس سےآپ محفوظ طریقے سے کھانا پکا سکیں گی۔

۔ جب دباؤ کو جاری کرنے کی بات آتی ہے تو دی گئی ہدایت پر عمل کریں۔ آپ کے پاس دو اختیارات ہیں، پریشر چھوڑنے کا سب سے محفوظ اور قدرتی انداز یہ ہے کہ ککر کو گرمی سے ہٹایا جائے اور آہستہ آہستہ اسے تمام دباؤ چھوڑنے دیں۔ دوسرا طریقہ یہ ہے کہ ککر کو ٹھنڈے نل کے پانی کے نیچے چلائیں، اور آپ چمچ یا چھری کا استعمال کرتے ہوئے سیٹی کو بھی اٹھا سکتے ہیں اور دباؤ چھوڑ سکتے ہیں۔

۔ پریشر ککر برتن کے اندر موجود پانی سے نکالی گئی بھاپ سے کام کرتا ہے، اس لیے یہ ضروری ہے کہ ککر میں کھانا پکاتے وقت اس میں کارن فلور یا کوئی بھی ایسی اشیاء جو کھانے کو گاڑھی کرتی ہو شامل نہ کریں۔