روزانہ نہار منہ ناریل پانی پیئیں اور ۔۔ جانیں ناریل کھانے اور اس کا پانی پینے سے آپ کون سے فوائد حاصل کرسکتے ہیں؟

ناریل ایک ایسا پھل ہے جسے مکمل غذا کہا جاتا ہے ۔۔ مثال کے طور پر اگر آپ ایک ایسی جگہ پھنس جائیں جہاں سوائے ناریل کے درخت کے اور کچھ نہ ہو تو بھی آپ زندہ رہ سکتے ہیں، کیونکہ اس کی چھال کو جلا کر آگ پیدا کی جاسکتی ہے جبکہ اسکو کاٹ کر اسکے پانی سے پیاس بجھائی جاسکتی ہے اور اسے کھا کر بھوک۔

ان دنوں بازار میں ناریل کی بہتات ہے، یہ آپ کو با آسانی مل جائے گا۔ آپ چاہیں تو اسے ثابت لا کر گھر میں کاٹ سکتے ہیں لیکن وہ زرا مشکل کام ہے، اسلیئے بہتر یہ ہے کہ کٹوا کر لایا جائے۔

اس عام سے خوش ذائقہ پھل اور اس کے پانی میں بہت سے فائدے چھپے ہیں، تو چلیں آج آپ کو ناریل اور اس کے فائدوں کے بارے میں بتاتے ہیں۔

ناریل کی غذائی اہمیت

ناریل مینگنیز سے بھرپور ہوتا ہے جو ہڈیوں اور میٹابولزم کو تیز کرنے میں مدد کرتا ہے۔ اس کے علاوہ اس میں گڈ کاربز، پروٹین اور گڈ کولیسٹرول موجود ہوتا ہے۔ ناریل کاپر، آئرن اور سیلینیم سے بھی مالا مال ہوتا ہے جس کی وجہ سے نئے خلیات بننے کا عمل تیز ہوتا ہے۔

نہار منہ ناریل پانی پینے کے فوائد

نہار منہ ناریل پانی پینے سے جسم سے فاس اور زہریلا مواد نکل جاتا ہے۔ پیٹ کے افعام درست ہوتے ہیں اور معدے کو ٹھنڈک پہنچتی ہے۔ السر کے مریضوں کو ناریل پانی پینے سے آرام ملتا ہے۔ ناریل پانی پینے سے جسم اور آنکھوں کو تراوٹ ملتی ہے۔

ناریل ایک سوپر فوڈ

ناریل کو بے شمار فائدوں کی وجہ سے سپر فوڈ کہا جاتا ہے۔ صدیوں سے آیوروید اور ہندوستان میں استعمال ہونے والا یہ پھل معدنیات سے مالا مال ہے۔ اس کا تیل جلد کی خشکی دور کرنے کے ساتھ ساتھ بالوں کی افزائش بھی تیز کرتا ہے۔ ناریل کھانے سے نگاہیں تیز ہوتی ہیں۔ جسم میں ذیابیطس اور ہائی بلڈ پیشر کو کنٹرول رکھنے میں مدد کرتا ہے۔ ناریل کو کاٹ کر باآسانی کسی بھی چیز میں ڈال کر استعمال کیا جاسکتا ہے اور اس کا بھرپور فائدہ اٹھایا جاسکتا ہے۔