مشین میں گاجر کا جوس نکالنے کے بعد بچنے والا چُورا اگر آپ بھی پھینک دیتی ہیں تو ٹہریں، آج جانیں ان سے مزیدرا حلوہ بنانے کی سادہ ترکیب

گاجر کا حلوہ اس موسم میں سب سے زیادہ بنایا جانے والا ایک عام میٹھا ہے جسے شادیوں میں خصوصی طور پر اچھے شیف سے پکوایا جاتا ہے آپ بھی اس کو گھر میں بادامی ذائقے میں بنا سکتی ہیں۔ ابھی چونکہ گاجریں کچھ مہنگی بھی ہیں اور کچھ سستی ہیں اس لیے ان کو ایک ستاھ ڈھیر ساری خریدنے کے لیے تو ہم آپ کو مشورہ نہیں دیں گے لیکن اس کا جوس پینے والے لوگوں کو ایک آسان ٹپ ضرور بتائیں گے تاکہ وہ اسی گاجر سے جوس بھی پی لیں اور اسی کا حلوہ بھی پکا کر کھا لیں۔

گاجر کا جوس مشین میں نکال دینے کے بعد اس کا کچھ چُورا بچتا ہے جس کو آپ ایک مرتبہ پھر سے مشین میں ڈال کر نکالتے ہیں کہ اگر کچھ رس باقی رہ جائے تو وہ بھی نکل آئے باہر۔ مگر ایسا نہ کریں اور سرف ایک مرتبہ ان کا جوس نکالنے کے بعد اس چورے کو جمع کرلیں اور آگے جانیں کے اس سے حلوہ کیسے پکے گا؟

اجزاء:

گاجر کے جوس سے نکلنے والا چُورا کم از کم 2 پیالے
الائچی 1 سے 2
چینی 2 کپ
میوہ حسبِ ضرورت
کھویا 1 کپ
کھیوڑہ آدھا چمچ
دودھ لیکیوئیڈ ایک کلو
دودھ خشک پاؤڈر 2 کپ
کوکونٹ پاؤڈر 2 چمچ
آئل 2 کپ
ملائی 1 کپ۔

طریقہ:

٭ جوس نکالنے کے بعد بچنے والے چورے کو جمع کرلیں اور اس کو بلینڈر میں ڈال کر ساتھ دادھ آدھا کلو ڈالیں اور اس کو اچھی طرح چلنے دیں۔
٭ اب لیکوئیڈ دودھ پتیلی میں ڈالیں اور پھر بلینڈ کی ہوئی گاجر کا چورا ڈال کر اچھی طرح پکائیں اور اتنا پکائیں کہ گاڑھا پن پیدا ہونے لگے۔
٭ اس میں خشک دودھ کا پاؤڈر، آئل، چینی، الائچی، کوکونٹ پاؤڈر، میوے ڈال کر اچھی طرح پکائیں اور 20 منٹ بعد گھوٹنا شروع کردیں۔
٭ پھر جب گاڑھا ہونے لگے تو اس کو اچھی طرح مکس کرکے 10 منٹ کیلئے ڈھکن ڈھک دیں اور ہلکی آنچ پر پکنے دیں۔
٭ لیجیے مزیدار اور کم خرچ گاجر کا حلوہ پک کر تیار ہے اب اس کو میوہ جات اور کھویا ڈال کر سروو کردیں۔