چائے کے ذریعے چہرے کے غیر ضروری بال کیسے ہٹائے جا سکتے ہیں؟ تو اب نہ ویکس کرنے کا درد اور نہ چہرے کے بال بڑھنے کی فکر

چہرے کے اضافی بالوں کی وجہ سے لڑکیاں اور خواتین بہت پریشان ہیں اور اس کے لئے وہ تھریڈنگ، ویکس، بلیچ اور لیزر تھیراپی کرواتی نظر آتی ہیں جس کی وجہ سے ان کا چہرہ خراب ہوجاتا ہے ، کہیں سے کالا اور کہیں سے صاف، کہیں تھریڈ کے نشانات اور کہیں ویکس کی وجہ سے جلی ہوئی جلد۔۔۔
ان تمام پریشانیوں سے اگر آپ بھی گزر رہی ہیں اور مہنگی سے مہنگی دوائیں استعمال کرکے بھی ان بالوں کا خاتمہ نہیں ہوسکا ہے تو یہ بات جان لیں کہ یہ اضافی بال کبھی ختم نہیں ہوسکتے لیکن ان کی صرف نشوونما اور بالوں کے فولیکلز کو کمزور یا کم کیا جاسکتا ہے جس کے لئے دوائیاں اور گھریلو ٹوٹکے کارگر ہوتے ہیں مگر ان کا اثر کب ہوگا اس کے بارے میں کچھ بھی دعوٰی نہیں کیا جاسکتا ۔ اس کی وجہ یہ ہے کہ خواتین کے جسم میں اینڈروجن ہارمونز کی اضافی مقدار پیدا ہونے لگتی ہے جس سے یہ بال اگنے لگتے ہیں اور ہارمونز کو گھٹانا یا بڑھانا کوئی عام بات نہیں ہے یہ اپنے وقت سے ہی کم ہوتے ہیں بس دوائیں اور ٹوٹکے روزانہ کے استعمال میں رکھے جائیں تاکہ ان کو کم کرنے کے لئے ایک راستہ بنایا جاسکے۔
آج ہم آپ کو پودینے کی ایک قسم سپیئر منٹ کے فوائد بتانے جارہے ہیں جو ماہرین کی نظر میں اضافی بالوں کے فولیکلز کو کمزور کرنے میں ایک اہم اجزاء ہے۔ کیونکہ اس میں بڑی تعداد میں اینٹی آکسیڈنٹس اور پوٹنٹ اینٹی آکسیڈنٹ، روزمیرینک ایسڈز، فلاونیز، لیمونن، مینتھول اور وٹامن سی پایا جاتا ہے جو تمام اجزاء آپس میں مل کر ان بالوں کو قدرتی طور پر کم کرنے میں مدد دیتے ہیں ۔

اس کو کیسے استعمال کیا جائے؟

سپیئر منٹ کی چائے بنا کر پینے سے یہ نہ صرف خواتین کے اضافی (چہرے، توڑھی، پیشانی اور ہونٹوں)کےبالوں کو کمزور بناتی ہے بلکہ جسم کی گرمی کو بھی دور کرتی ہے ساتھ ہی یہ ایکنی اور اضافی آئل کو کنٹرول کرنے میں بھی مدد دیتی ہے۔

چائے بنانے کی ٹپ:

سپیئر منٹ کی چائے بنانے کے لئے آپ ایک کپ پانی کو ابالیں اور اس میں پانچ سے چھ پتے سپیئر منٹ کے ڈالیں اور جوش دے کر چھان لیں۔ نیم ٹھنڈا ہونے پر اس میں ایک چمچ شہد ڈال کر پی لیں۔

By Humaira    |    In Beauty and Skin Care   |    0 Comments    |    1130 Views    |    23 Sep 2021

Related Articles

Comments/Ask Question

Read Blog about چائے کے ذریعے چہرے کے غیر ضروری بال کیسے ہٹائے جا سکتے ہیں؟ تو اب نہ ویکس کرنے کا درد اور نہ چہرے کے بال بڑھنے کی فکر and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (چائے کے ذریعے چہرے کے غیر ضروری بال کیسے ہٹائے جا سکتے ہیں؟ تو اب نہ ویکس کرنے کا درد اور نہ چہرے کے بال بڑھنے کی فکر) and how to utilize other natural ingredients to cure diseases, easy recipes, and other information related to food from KFoods.