چنے کی دال سے بنی کچھوری بنانے کی آسان ریسیپی ۔۔ دیکھئیے مزیدار کچھوری اور ترکاری کیسے بناتے ہیں، جو آپ نے پہلے نہیں کھائی ہوگی

سادی کچھوری تو آپ سب نے ہی کھائی ہوگی کبھی بازار سے منگوا کر تو کبھی گھر میں بنا کر، لیکن آج ہم آپ کو بنانا سِکھا رہے ہیں چنے اور اُرڈ کی دال سے بنی مزیدار کچھوری اور ترکاری۔ جو آپ نے پہلے نہیں کھائی ہوگی اور یہ آپ با آسانی گھر میں بنا سکتی ہیں۔

کچھوری کا مصالحہ بنانے کیلیئے:

۔ چنے کی دال 50 گرام (3 گھنٹے بھگو کر رکھ لیں)
۔ اُرڈ کی دال 50 گرام (1 گھنٹا بھگو کر)
۔ ہری مرچ 3 عدد، ½ چمچ زیرہ، ادرک لہسن اور نمک حسبِ ذائقہ
۔ ان تمام چیزوں کو مکسچر گرینڈر میں پیس کر ایک طرف رکھ دیں، اور بلکل باریک نہیں پیسنا نہ ہی پانی ڈالنا ہے
۔ اب ایک پین (برتن) میں 1 کھانے کا چمچ سرسوں کا تیل ڈال کر گرم کرلیں، اب ½ چمچ (زیرہ، اجوائن اور ہینگ) شامل کر کے ہلائیں اور پھر دال کا مکسچر ڈال کے دھیمی آنچ پر بھون لیں
۔ اب ½ چمچ ہلدی، 1 چمچ کشمیری مرچ اور ثابت دھنیا اور کالی مرچ کُوٹ کر ڈال دیں، 1 منٹ بھوننے کے بعد اس میں چاٹ مصالحہ اور ہرا دھنیا شامل کریں اور اچھے سے ہلا کر چولہے سے اتار دیں

کچھوری بنانے کیلیئے:

۔ 1 کپ آٹے میں ½ کپ سوجی، 2 چمچ گرم تیل، اجوائن اور نمک ڈال کر آٹا گوندھ لیں اور اسے تھوڑی دیر ڈھاک کے رکھ دیں
۔ اب اس آٹے کے پیڑے بنا کر اس میں دال کا جو مصالحہ بنایا تھا وہ بھر دیں اور ہاتھوں سے کچھوری کی شکل دے دیں
ترکاری بنانے اور مزید اسٹیپ کو اچھے سے سمجھنے کیلیئے نیچے دی گئی ویڈیو دیکھیں