برین ٹیومر یا دماغ کی رسولی کیا ہے؟ اس کی ابتداء میں کیا علامات ظاہر ہونا شروع ہوجاتی ہیں؟

برین ٹیومر یا دماغ کی رسولی جس کا نام سنتے ہی لوگ کانپ اٹھتے ہیں۔ دماغ کی رسولی جیسا کہ نام سے ظاہر ہے کہ دماغ کی بیماری ہے۔ اور بروقت علاج نہ ہونے کی صورت میں موت بھی واقع ہوسکتی ہے اور اس کے ساتھ اگرزیادہ پھیل جائے اور موت کا خطرہ نہ بھی ہو تو یادداشت متاثر ہونے کا، فالج کا، ہاتھ پیروں کے کنٹرول میں نہ رہنے کا، سر میں مستقل درد اور اسی طرح کی دوسری تکالیف خاص کر اعصابی نظام کے شدید متاثر ہونے کا خطرہ پیدا ہوسکتا ہے۔ یہ ٹیومر بھی کئی قسم کے ہوتے ہیں ، کچھ جان لیوا ہوتے ہیں جس میں انسان کے بچنے کے چانسز بہت کم ہوتے ہیں اور کچھ میں مندرجہ بالا تکالیف ہو سکتی ہیں۔

برین ٹیومر کی علامات:

برین ٹیومرکی بھی دو اقسام کہلائی جا سکتی ہیں ایک وہ جس میں بچنے کے چانسز نہیں ہوتے اور ایک وہ جس میں انسان بچ تو جاتا ہے لیکن اس میں اس کی بینائی بھی متاثر ہو سکتی ہے ، یادداشت جا سکتی ہے، اعصابی طور پر مفلوج ہو سکتا ہے۔ یہ مختلف مریضوں میں مختلف ہوتی ہیں یہ ان کی قوتِ مدافعت اور ان کی قوتِ ارادی پر بھی منحصر ہے۔ لیکن یہاں ہم برین ٹیومر کی سب میں یکساں علامات کے بارے میں بتائیں گے۔ جس سے پتہ چل سکتا ہے کہ مسئلہ پیچیدگی کی جا رہا ہے۔
سر درد
ہاتھ پیروں میں لڑکھڑاہٹ
بینائی کی کمی
سر درد کے ساتھ متلی اور الٹیاں
بولنے میں دشواری
یادداشت کی خرابی
وزن میں کمی اور کمزوری، تھکاوٹ
جسم کے ایک حصے کا سن ہونا
سماعت کا متاثر ہونا

برین ٹیومر کا علاج:

برین ٹیومر کے مرض کے علاج کا انحصار مریض کی حالت، عمر، قوتِ برداشت یا اس کی جسمانی کنڈیشن پر ہوتا ہے۔ بعض مریض اس قابل نہیں ہوتے یا ان کی جسمانی حالت ایسی نہیں ہوتی کہ وہ سرجری کی تکلیف برداشت کر سکیں ، یا ان کی عمر زیادہ ہوتی ہے تو سرجری کی صورت میں ان کو نقصان پہنچنے کا اندیشہ ہوتا ہے تو ایسے میں ان کو دواؤں کے ذریعے مرض کو کنٹرول کرنے کی کوشش کی جاتی ہے۔ اگر دواؤں سے کنٹرول نہ ہو تو پھر ڈاکٹر سرجری کا آپشن اختیار کرتے ہیں لیکن کچھ مریضوں کی کنڈیشن یا مرض اس نہج پر پہنچ چکا ہوتا ہے کہ ان کا سرجری کے بغیر اور کوئی چارہ نہیں ہوتا تو ان کا سرجری کے ذریعے ٹریٹمنٹ کیا جاتا ہے۔ اسی لئے اس مرض کی اگر دی گئی علامات میں سے کچھ علامات ظاہر ہورہی ہیں تو فوراً اپنے ڈاکٹر سے رجوع کریں۔

By Afshan  |   In Health and Fitness  |   0 Comments   |   28252 Views   |   19 Jul 2022
Related Articles
Top Trending
Comments/Ask Question

Read Blog about برین ٹیومر یا دماغ کی رسولی کیا ہے؟ اس کی ابتداء میں کیا علامات ظاہر ہونا شروع ہوجاتی ہیں؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (برین ٹیومر یا دماغ کی رسولی کیا ہے؟ اس کی ابتداء میں کیا علامات ظاہر ہونا شروع ہوجاتی ہیں؟) and how to utilize other natural ingredients to cure diseases, easy recipes, and other information related to food from KFoods.