جو دوغلے تھے، خود ہی الگ ہو گئے۔۔ فیروز خان نے ان پر تنقید کرنے والی اداکاراؤں کے بارے میں کیا کچھ کہا؟

Feroze Khan Gives Harsh Reply To Actresses Who Criticized Him

پاکستانی ڈرامہ انڈسٹری کے مقبول اداکار فیروز خان، جو ہمیشہ سے ایک سپر ہٹس ڈراموں کا چہرہ رہے ہیں، ایک بار پھر خبروں میں ہیں اس بار اپنے واضح اور بے باک مؤقف کے باعث۔

علیزہ سلطان سے طلاق اور گھریلو تشدد کے الزامات کے بعد فیروز خان کو شوبز میں شدید مخالفت کا سامنا کرنا پڑا۔ کئی معروف فنکاروں نے اُن سے منہ موڑ لیا، کچھ نے اُن کے ساتھ کام کرنے سے انکار کیا، اور ان پر تنقید کی بوچھاڑ کر دی۔

مگر اب، خاموش فیروز خان بول پڑے ہیں۔

حال ہی میں یاسر نواز کو دیے گئے ایک انٹرویو میں فیروز خان نے اپنے دل کی بات کہی، "یہ سارا تجربہ میرے لیے ایک آزمائش ضرور تھا، مگر میں نے سیکھا کہ رزق صرف اللہ کے ہاتھ میں ہے۔ اگر وہ ساتھ ہے تو کوئی کچھ نہیں بگاڑ سکتا۔"

فیروز نے کہا کہ ان حالات نے ان کا ایمان اور بھی مضبوط کر دیا ہے۔ "میں اپنی ذہنی اور جسمانی توانائی کو منفی باتوں سے آلودہ نہیں کرتا۔ میرا جسم میری عبادت گاہ ہے، اور میں اسے منفی سوچوں سے پاک رکھتا ہوں۔"

اداکار نے ان شخصیات کے بارے میں بھی کھل کر بات کی جنہوں نے تنازعے کے بعد ان سے علیحدگی اختیار کر لی تھی۔

اللہ نے میرے لیے فلٹر لگا دیا، جو لوگ دو چہرے رکھتے تھے، وہ خود ہی دور ہو گئے۔ ایسے لوگوں کے ساتھ دوبارہ کبھی کام کرنے کا سوال ہی پیدا نہیں ہوتا۔

واضح رہے کہ اقراء عزیز نے ڈرامہ سنول یار پیا سے فیروز خان کے ساتھ تنازعے کے بعد علیحدگی اختیار کی، جبکہ ایمن، منال، عشنا شاہ اور مریم نفیس نے بھی فیروز کے خلاف کھل کر بیانات دیے۔

فیروز خان کا یہ بیباک مؤقف اس بات کا اشارہ ہے کہ وہ اب صرف سچائی اور خلوص پر مبنی رشتوں کو اہمیت دیتے ہیں۔

فیروز کا پیغام واضح ہے، جو دکھاوے والے تھے، وہ اب دائرے سے باہر ہیں — باقی رہ گئے ہیں وہ جو دل سے ساتھ ہیں۔