پلاسٹک کی بوتل میں لہسن اُگائیں ۔۔ گھر بیٹھے لہسن اگانے کا آسان طریقہ، جس میں پیسے بھی خرچ نہیں کرنے، دیکھیے

ادرک لہسن گھریلوں خواتین کے نزدیک ایسی ہی اہمیت رکھتا ہے، جیسے کہ ایک مرد کے نزدیک پیسے، کیونکہ جس طرح مرد پیسوں کی بنا پر چیزیں خرید سکتا ہے، اسی طرح گھریلو خواتین کو کچن میں لہسن اور ادرک کی ضرورت روازنہ پیش آ سکتی ہے۔

آج آپ کو بتائیں گے کہ گھر میں ہی پلاسٹک کی بوتل کی مدد سے لہسن کیسے اگا سکتے ہیں؟

کچن گارڈنگ کو فروغ دیں

کیا آپ نے لہسن لگایا نہیں ہوا یا پھر آپ کے پاس جگہ نہیں لگانے کی تو پھر آپ ابھی یہ ویڈیو دیکھیں اور ایک پلاسٹک بوتل کا استعمال کرتے ہوئے لہسن ضرور لگائیں 👇 pic.twitter.com/TJWhr3mrsB

— Kissan Pakistan (@kissan_pakistan) November 21, 2022

روزمرہ کھانوں میں استعمال ہونے والا لہسن آج کل کافی مہنگا خریدا جا رہا ہے، قیمت بھی 200 تک جا رہی ہے۔

لیکن آج ایک ایسا ہی طریقہ کار بتائیں گے جس سے آپ گھر بیٹھے استعمال شدہ چیزوں کی مدد سے گھر ہی میں لہسن اگا سکتے ہیں۔

اس سب کے لیے آپ کو نرم، سبزہ اگانے والے مٹی درکار ہو گی، اس کے ساتھ ساتھ ایک پلاسٹک کی بوتل، جس میں آپ لہسن کی طرف کو باہر نکالنے کے لیے چھوٹا سا سوراخ کردیں۔

پلاسٹک کی بوتل میں موجود سوراخ اتنے ہی بڑے ہوں گے کہ اس میں سے لہسن کی ایک طرف کا سرا نکل سکے۔ پلاسٹک کی بڑی والی بوتلیں، جیسے کہ منرل واٹر کی بوتلیں کافی اچھی ثابت ہو سکتی ہیں۔

اب کرنا یہ ہے کہ پلاسٹک کی بوتل میں سب سے پہلے مٹی ڈالیں اور مٹی کی تہہ بنا دیں، اس کے بعد نچلے سوراخوں میں لہسن ڈالنا شروع کر دیں، جب نچلے سوراخ پُر ہو جائیں تو پھر دوبارہ مٹی ڈالیں، اسی طرح تمام سوراخوں کو پُر کریں اور انہیں مٹی میں دبا دیں۔

اس کے بعد فوارے کی مدد سے پانی ڈالیں، کیونکہ ایک ساتھ پائپ یا گلاس سے پانی ڈالنے سے مٹی خراب ہو سکتی ہے، لہسن کی جڑیں بھی متاثر ہو سکتی ہیں۔ فوارے کی مدد سے سوارخ سے نکلنے والے لہسن کے سروں پر بھی پانی چھڑکائیں۔

انہیں ایک ایسے مقام پر رکھیں جہاں روشنی بھی آتی ہو، اور پھر 35 دنوں بعد ان سوراخوں سے میں ہریالی پھوٹ پڑے گی، جو کہ لمبائی میں بڑی ہوتی جائیں گی۔ اس طرح گھر بیٹھے آپ لہسن اگا سکتے ہیں۔