مسجد جانے والا بیٹا زیادہ عزت کرتا ہے۔۔ مسلمان ہوا تو ماں نے بہت غصہ کیا! بیٹے کے اسلام قبول کرنے سے ناراض ماں باپ اب کیسے خوش ہوگئے؟

“میرا ایک بیٹا چرچ جاتا ہے اور ایک مسجد جاتا ہے مگر مسجد جانے والا بیٹا زیادہ عزت کرتا ہے۔ مجھ سے بہت احترام سے پیش آتا ہے“

یہ کہنا ہے مشہور مسلمان مذہبی رہنما صہیب ولیمز کی والدہ کا۔ صہیب ولیمز کا تعلق عیسائی مذہبی گھرانے سے ہے اور ان کے دادا ولیمز ویب مشہور عیسائی پیشوا تھے۔ البتہ کچھ سالوں قبل صہیب نے گھر والوں کے ساتھ کھانا کھانے کے دوران یہ کہتے ہوئے اسلام قبول کرلیا کہ “"میں ایک مسلمان ہوں، میں نے اسلام قبول کر لیا ہے، میں نے سچائی کا مزہ چکھ لیا ہے، اور میں نے خدا کا نور دیکھا ہے۔ "

صہیب کہتے ہیں کہ ان کی والدہ جو اس وقت پانی پی رہی تھیں انھیں کھانسی کا پھندا لگ گیا اور انھوں نے کہا کہ تم ایسا کیسے کرسکتے ہو؟ دوسری طرف ان کے والد بھی غصے میں تھے۔ صہیب نے ان سب کی پرواہ نہ کرتے ہوئے اسلام قبول کیا اور ایک مسلمان کی طرح زندگی گزارنے لگے۔

ماں باپ دونوں روپڑے

البتہ کچھ عرصہ بعد جب صہیب نے اپنی تعلیم مکمل کی تو ان کی والدہ خوشی سے روپڑیں اور کہا کہ تمھارے والد اور میں دونوں تمھارے اسلام قبول کرنے سے بہت خوش ہیں کیوں کہ تم بہت اچھے ہوگئے ہو اور اس بھائی سے بھی زیادہ اچھے ہو جو چرچ جاتا ہے۔

بااثر ترین مسلمان

صہیب اب انگلینڈ کے سب سے بڑے اسلامی مرکز بوسٹن اسلامک کلچرل سنٹر میں امام کے فرائض انجام دیتے ہیں۔ ان کا شمار دنیا کے متاثر کن مسلمانوں کی فہرست میں ہوتا ہے۔