بچوں کو پڑھایا اور بیٹیوں کی شادیاں کی لیکن۔۔ 30 سال سے تندور پر روٹیاں پکانے والی مائی کی کہانی

“اسی تندور پر 30 سال سے روٹیاں پکا کر بیچ رہی ہوں۔ بچوں کو پڑھا لکھا کر بیٹیوں کی شادیاں بھی کردیں۔ اب مہنگائی بہت زیادہ ہوگئی ہے۔ لوگوں کا اے سی کے بغیر گزارا نہیں تو اے سی اور بجلی کا بل بہت زیادہ آتا ہے۔“

یہ کہنا ہے گوجرانوالہ کی مائی تندور والی کا جو تندور پر روٹیاں پکانے کا کام کرتی ہیں اور اسی نام سے علاقے میں پہچانی جاتی ہیں۔ شدید غربت میں محنت مزدوری کر کے پوری زندگی گزار دینے والی مائی تندور والی کے ہونٹوں پر کبھی اللہ سے شکوہ یا شکایت نہیں آتی اس بات کا گواہ پورا علاقہ ہے۔

مائی تندور والی نے بتایا کہ انھوں نے یہ کام کرتے ہوئے زندگی گزار دی لیکن وہ اللہ کی شکر گزار ہیں کہ اس نے کبھی کسی کے ہاتھ نہیں پھیلانے دیا۔ خود محنت مزدوری کی اور بیٹیوں کی شادیاں بھی اچھے گھروں میں کرائیں جہاں وہ خوش ہیں۔

قارئین یہی وہ مائیں ہیں جو اس معاشرے کا سرمایہ ہیں جنھوں نے غربت اور مجبوری کے باوجود اپنی اولادوں کو تنہا نہ چھوڑا بلکہ اپنی زندگیاں ذمہ داری نبھاتے گزار دیں۔ بے شک ایسی تمام مائیں اس عمر میں آرام اور عزت کی حقدار ہیں۔