خون میں شوگر کو کنٹرول کرے اور کھانسی سے بھی نجات دلائے۔۔کالی مرچ کی چائے کیسے بنتی ہے؟ جانیں اس کے فائدے

کالی مرچ ہر گھر میں پایا جانے والا ایسا مصالحہ ہے جسے ہم صبح کے ناشتے سے لے کر ہر کھانے میں ڈالتے ہیں۔ البتہ اس کی چائے کے بارے میں بہت کم لوگ جانتے ہیں۔ آج کے آرٹیکل میں ہم آپ کو سیاہ مرچ کی چائے بنانے کا طریقہ اور اس سے ملنے وانے فائدوں کے بارے میں معلومات دیں گے۔

کالی مرچ کی چائے بنانے کا طریقہ

ایک پتیلی میں 2 کپ پانی ڈال کر ابالیں۔ اب اس میں ایک چمچ پسی ہوئی سیاہ مرچ ڈالیں اور ایک چمچ لیموں کا رس اور ایک چمچ پسا ہوا ادرک ڈالی دیں۔ اس چائے کو 5 منٹ دھیمی آنچ پر پکنے دیں اور پھر چھان کر پی لیں۔ اگر چاہیں تو ایک چمچ شہد بھی ملا سکتے ہیں۔

سیاہ مرچ کی چائے کے فوائد

سیاہ مرچ کی چائے گلے کے امراض، کھانسی، ٹانسلز، گلے کا درد، بہتی ناک میں آرام دیتی ہے اور حلق اور ناک سے بلغم کو صاف کرتی ہے۔

پیٹ کے امراض

سیاہ مرچ ہاضمے کے لئے کافی مفید ہے اس لئے یہ ہاضمے کو متحرک کرنے، قبض دور کرنے اور پیٹ کے امراض کو درست کرتی ہے۔

ہڈیوں کی سوجن

چونکہ سیاہ مرچ میں اینٹی آکسیڈینٹ پائے جاتے ہیں اس لئے یہ جسم میں سوزش کے اثرات کو کم کرتی ہے۔ کالی مرچ میں پایا جانے والا “پائپرائن“ نامی عنصر ہڈیوں اور جوڑوں کی سوجن کم کرتا ہے۔

شوگر کنٹرول

سیاہ مرچ خون میں شوگر کی سطح کو کنٹرول میں رکھنے کے علاوہ قوت مدافعت کو بڑھاتی ہے اور اپنے اینٹی بیکٹیریل خواص کی وجہ سے عام انفیکشن اور سردی میں ہونے والے فلو، نزلہ، زکام سے محفوظ رکھتی ہے۔