چہرے کے بدنُما بلیک ہیڈز سے پریشان ہیں؟ جانیں گھریلو اجزاء سے تیار کردہ کیمیکل سے پاک اسکرب جو کرے بلیک ہیڈز کا مکمل خاتمہ

صحت مند اور چمکتی جِلد کس کو پسند نہیں ہے؟ ایک چمکیلی جلد نہ صرف آپ کو باہر سے بلکہ اندر سے بھی خوبصورت نظر آنے کا احساس دلاتی ہے، لیکن اس چمک اور خوبصورتی کو حاصل کرنے کے لئے جِلد کو بہت زیادہ نگہداشت کی ضرورت ہوتی ہے، اور اگر آپ کی اسکن آئلی ہے تو اس چمک اور خوبصورتی کو حاصل کرنے کے کئے آپ کو زیادہ محنت کرنی ہو گی۔
کیونکہ آئلی اسکن پر دانے اور بلیک ہیڈز باقی اسکن ٹائپ سے زیادہ ہوتے ہیں، اور یہ بد نما بلیک ہیڈز آپ کی پریشانی کی وجہ بن جاتے ہیں، بہت سے لوگ ان ضدی بلیک ہیڈز سے نجات کے لئے پارلرز اور مہنگے مہنگے پراڈکٹس پر ہزاروں روپے خرچ کرتے ہیں۔
لیکن اب اس کی کوئی ضرورت نہیں کیونکہ آج ہم آپ کے لئے لائے ہیں ایک ایسا خاص اور گھریلو بلیک ہیڈ اسکرب بنانے کا طریقہ جس کو اپنے چہرے پر استعمال کرنے سے آپ ایک سے دو استعمال میں ہی بلیک ہیڈز میں حیرت انگیز حد تک کمی دیکھیں گے۔
تو چلیں پھر دیر کیسی فوری اس اسکرب کو بنانے اور استعمال کرنے کے طریقے کی جانب چلتے ہیں تاکہ آپ بھی حاصل کر سکیں ضدی بلیک ہیڈز سے نجات۔

بلیک ہیڈز کے ختم کرنے کے لئے اسکرب

اجزاء

ایک عدد کیلا
2 کھانے کے چمچ جو oats
ایک کھانے کا چمچ شہد

ترکیب

ایک پیالی لیں اس میں جو کو پیس کر 2 کھانے کے چمچ جو ڈالیں اس ایک کیلا لے کر اسے پیش کر کے اس میں شامل کریں، پھر اس میں ایک کھانے کا چمچ شہد ڈال کر ان تینوں اجزاء کو اچھی طرح میش کر لیں، اب اس شاندار اور کیمیکل سے پاک اسکرب کو پورے چہرے پر لگائیں اور سرکیولر موشن میں پورے چہرے پر اس کا مساج کریں کم سے کم 8 سے 10 منٹ تک مساج کریں اور اسے کچھ دیر لگا چھوڑنے کے بعد نیم گرم پانی سے چہرہ دھو لیں، پھر چہرے پر کوئی اچھا موسچرائزر لگا لیں۔
اس گھریلو اسکرب کو آپ ہفتے میں 3 مرتبہ استعمال کریں پہلے ہی استعمال سے جلد میں کافی فرق بلیک ہیڈز میں کمی اور چہرے کی رنگت نکھری ہوئی نظر آئے گی۔