گیس ہو یا نہ ہو اب گرم پانی ملے کسی بھی وقت ۔۔ اسمارٹ واٹر ٹینک جس میں نہ بجلی کی فکر نہ گیس کی ضرورت، جو رکھے 4 دنوں تک پانی کو گرم

سردی میں صبح صبح منہ دھونے کیلیئے نل کھولو تو اتنا ٹھنڈا یخ پانی آتا ہے کہ ہاتھ اور منہ جمتا ہوا محسوس ہوتا ہے، ایسے میں اگر انسان سوچے کہ نل کھولتے ہی گرم پانی آجائے تو؟ سننے میں یہ کسی خواب سا لگتا ہے، لیکن کیا آپ جانتے ہیں یہ خواب اب حقیقت بن سکتا ہے؟

جی ہاں آج ہم آپ کو ایک ایسی ٹنکی کا بتانے جارہے ہیں جو سردیوں میں آپ کے پانی کو 4 دنوں تک گرم رکھ سکتی ہے۔ تو آئیے جانتے ہیں اسکے بارے میں

بغیر گیزر پانی کو گرم رکھنے والا ٹینک

پاکستان کے نوجوانوں کی صلاحیتوں سے انکار نہیں کیا جا سکتا ہے مگر مسئلہ یہ ہے کہ درست سر پرستی نہ ملنے کے سبب ہمارے نوجوانوں کا ٹیلنٹ منفی رخ کی جانب مڑ جاتا ہے۔

آج ہم آپ کو پاکستان کے ایسے ہی باصلاحیت نوجوان سے ملا رہے ہیں جن کا تعلق لاہور سے ہے اور انہوں نے اسمارٹ شیلڈ والے ایسے واٹر ٹینک بنائے ہیں جو کہ سردی میں پانی گرم اور گرمی میں پانی کو گرم رکھنے کی صلاحیت رکھتے ہیں-

اسمارٹ شیلڈ واٹر ٹینک

اس واٹر ٹینک کی خصوصیت یہ ہوتی ہے کہ عام پلاسٹک کے واٹر ٹینک کے اوپر ایک خاص شیلڈ چڑھا دی جاتی ہے یہ شیلڈ انسولیٹر مٹیریل پر مشتمل ہوتی ہے جو کہ گرمی اور سردی کو ٹینک سے باہر نہیں جانے دیتے ہیں-

اس کی وجہ سے گرمی کے موسم میں یہ پانی کو ٹھنڈا رکھتا ہے جب کہ سردی کے موسم میں یہ پانی کو گرم رکھتا ہے اس ٹینک میں اگر ایک بار گیزر سے پانی کو گرم کر کے بھر دیا جائے تو یہ چار دن تک اس کے درجہ حرارت کو برقرار رکھتا ہے-

جس کی وجہ سے گیس کے استعمال کی شرح میں بھی کافی کمی ہوتی ہے جب کہ اس کے ساتھ ساتھ اس شیلڈ کی وجہ سے پلاسٹک کے اس ٹینک کی زندگی میں بھی دگنا اضافہ ہوتا ہے اور اس کی زندگی بڑھ جاتی ہے-

اس ٹینک کے اندر واٹر پروف فائبر سے پلاسٹک کے ٹینک کو پوری طرح کور کر دیا جاتا ہے اور اس کے بعد اس کے اوپر المونیم لپیٹ دیا جاتا ہے جس کی وجہ سے ٹینک کے اندر موجود درجہ حرارت ایک طویل وقت تک برقرار رہتا ہے-

اس ٹینک میں کوئي بہت ہائی فائی ٹیکنالوجی کا استعمال نہیں کیا جاتا ہے اس وجہ سے اس کی فٹنگ بھی عام واٹر ٹینک ہی کی طرح ہوتی ہے اس کے ساتھ ساتھ اس کی قیمت بھی عام ٹینک کے مقابلے میں بہت زيادہ نہیں ہے جبکہ اس کے ذریعے 30 فی صد تک توانائی کی بھی بچت کی جا سکتی ہے-

By Salwa  |   In Tips and Totkay  |   0 Comments   |   270 Views   |   24 Jan 2023
Related Articles
Top Trending
Comments/Ask Question

Read Blog about گیس ہو یا نہ ہو اب گرم پانی ملے کسی بھی وقت ۔۔ اسمارٹ واٹر ٹینک جس میں نہ بجلی کی فکر نہ گیس کی ضرورت، جو رکھے 4 دنوں تک پانی کو گرم and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (گیس ہو یا نہ ہو اب گرم پانی ملے کسی بھی وقت ۔۔ اسمارٹ واٹر ٹینک جس میں نہ بجلی کی فکر نہ گیس کی ضرورت، جو رکھے 4 دنوں تک پانی کو گرم) and how to utilize other natural ingredients to cure diseases, easy recipes, and other information related to food from KFoods.