بِنا ڈائیٹنگ وزن کیسے کم کیا جائے؟ جانیئے جانیئے وہ طریقے جو کر سکتے ہیں آپ کے وزن میں حیرت انگیز کمی وہ بھی بِنا ڈائیٹ کیے

بڑھتا ہوا وزن آج کل سب ہی کی پریشانی کی وجہ ہے اور اس سے نمٹنے کے لئے لوگ کئی جتن کرتے ہیں لیکن ان سب میں سب سے مشکل کام ہے وزن کم کرنے کے لئے ڈائیٹنگ کرنا کیونکہ اس میں آپ کو بہت سوچ سمجھ کر پلان کے مطابق کھانا پینا ہوتا ہے۔

لیکن یہ ضروری نہیں کہ صرف ڈائیٹنگ کر کے ہی وزن کم کیا جائے، آج ہم لائے ہیں آپ کے لئے چند ایسے طریقے جن کو اپنا کر آپ بھی کر سکیں گے اپنا وزن کم وہ بھی بِنا ڈائیٹ کیئے تو آیئے پھر شروع کرتے ہیں۔

• پروٹین والا ناشتہ

پروٹین سے بھرپور ناشتہ کرنے سے آپ کا میٹابولزم تیز ہوتا ہے اور جتنا زیادہ آپ کا میٹابولزم تیز ہوتا ہے اتنا ہی تیزی سے آپ کا وزن بھی کم ہوتا ہے، کوشش کریں کہ اپنی روز مرہ کی غذا میں انڈے دودھ دہی، گوشت، دالوں اور دلیوں کا استعمال کریں تاکہ آپ کو زیادہ سے زیادہ پروٹین مل سکے۔

• بے وقت بھوک سے جان چھڑائیں

اکثر وزن بڑھنے کی سب سے بڑی وجہ یہ ہوتی ہے کہ ہم فراغت میں بے وقت بھوک کا شکار ہو جاتے ہیں اور کچھ نہ کچھ کھانے کا ارادہ کر کے میٹھا یا کوئی بھی فیٹ والی غذا کا استعمال کرتے ہیں جو وزن بڑھنے کا سبب بنتی ہے، اس لئے جب کبھی بےوقت بھوک لگے تو پھل کھائیں یا پھر ہربل ٹی پینے کی عادت ڈال کیں جس سے بھوک کا احساس ختم ہو سکے اور میٹابولزم بھی بڑھے۔

• کھانے کو اچھی طرح چبائیں

ہماری ایک غلطی یہ بھی ہوتی ہے کہ ہم کھانے کو اچھی طرح چبا کر نہیں کھانے اور یہی وجہ ہے کہ غذائیت سے محروم رہ جاتے ہیں اس لئے کوشش کریں کہ ہر نوالے کو کم سے کم 25 مرتبہ چبائیں۔

• غذا میں فائبر کا اضافہ کریں

ہماری غذا میں پروٹین کے علاوہ فائبر کی وافر مقدار ہونا بھی بےحد ضروری ہے اس لئے اپنے دن کا آغاز جو کے دلیے سے کریں اور دن بھر ایسی غذاؤں کا انتخاب کریں جن میں فائبر کی وافر مقدار موجود ہو۔

• غذا میں مصالحوں کا استعمال

کھانے پینے میں مصالحوں کو شامل کرنا بےحد ضروری ہے کیونکہ مصالحے صرف آپ کے کھانوں کا ذائقہ ہی نہیں بلکہ آپ کی ٹیسٹ بڈ کو بھی متحرک کرتے ہیں جب آپ مصالحوں والا کھانا کھاتے ہیں تو کھاتے بھی رُک رُک کر ہیں اور پانی بھی زیادہ سے زیادہ پیتے ہیں کالی مرچ اور ہلدی جیسے مصالحوں کے استعمال سے آپ کو میٹابولزم تیز ہوتا ہے اور ہارمونز متوازن رہتے ہیں۔