آج کل بچے ہوں یا بڑے جوڑوں اور گھٹنے کا درد سب کو پریشان کرتا ہے۔ بھاری بھرکم بستے، اسکول جانے والے بچوں کی گردن اور کمر میں درد کا سبب بنتے ہیں۔ جبکہ خواتین اور مردوں میں گھٹنوں اور کمر کا درد کوئی نئی بات نہیں۔ آج ہم اس مسئلے کے حل کے لئے آپ کو ڈاکٹر بلقیس کا آسان اور آزمودہ نسخہ بتائیں گے۔
بنانے کا طریقہ
اس سفوف کو بنانے کے لئے کمر کس کا سفوف 50 گرام، ساگو دانہ پسا ہوا 50 گرام، تال مکھانا پسا ہوا 50 گرام، اسگند ناگوری پسا ہوا 50 گرام اور چاسکو کے بیج پسے ہوئے 50 گرا لے کر ایک بار دوبارہ اچھی طرح پیس کر ملا لیں۔
استعمال کیسے کریں؟
اس سفوف کو صبح شام ایک چمچ لے کر دودھ میں ڈال کر پئیں۔ اس سے نہ صرف جسمانی کمزوری دور ہوگی بلکہ ہڈیاں مضبوط ہوں گی۔ یہ جوڑوں کا درد دور کرنے کے علاوہ قبض کشا ہے اور جلد کو بھی رعنائی بخشتا ہے۔