مرد بھی خوبصورت ہوسکتے ہیں.. دھوپ میں رنگ جل گیا ہے تو گھر میں یہ سستی کریمیں خود بنا کر آزمائیں

مرد اپنی جلد کے حوالے سے لاپرواہ ہوتے ہیں کیونکہ ایک تو ان کے پاس خود پر توجہ دینے کے لئے وقت نہیں ہوتا۔ جبکہ دوسری طرف انھیں زیادہ تر وقت گھر سے باہر دھول مٹی اور دھوپ میں گزارنا پڑتا ہے جس کی وجہ سے ان کی جلد اور بھی خراب ہوجاتی ہے۔ اس لئے آج ہم آپ کو چند ایسے طریقے بتا رہے ہیں جس سے لڑکے اور مرد بھی اپنی جلد خوبصورت بنا سکتے ہیں۔

چاول کا پانی

چاولوں کا پانی جلد کی رنگت نکھارنے اور مردہ خلیات صاف کرنے کے لئے بہت فائدہ مند سمجھا جاتا ہے۔ اس کے لئے چاولوں کو بھگو کر صاف کرلیں۔ پھر ان چاولوں کو 3 دن کے لئے بھگو کر رکھیں اور اس پانی کو چہرہ دھونے کے لئے استعمال کریں۔ کسی ماسک میں ڈال کر بھی استعمال کیا جاسکتا ہے۔ چاول کا پانی صرف 15منٹ میں جلد صاف کردے گا۔

ٹماٹر کا رس

کوئی بھی کٹا ہوا ٹماٹر لے کر دھوپ سے آنے کے بعد چہرے ، گردن اور ہاتھ پر کچھ منٹوں تک ملیں اور 15 منٹ بعد دھو لیں۔ ٹماٹر کے رس میں قدرتی بلیچنگ ایجنٹ ہوتے ہیں اس کے علاوہ یہ اینٹی آکسیڈینٹس سے بھرپور ہوتا ہے جو جلد سے جھریاں اور مہاسے بھی صاف کرتے ہیں۔

ہلدی

ہلدی صادیوں سے حسن کو نکھارنے کے لئے استعمال کی جارہی ہے۔ تھوڑی سے دودھ میں چٹکی بھر ہلدی ملا کر چہرے پر ماسک بنا کر لگالیں۔ 20 منٹ بعد چہرہ دھو لیں۔ یہ عمل ہفتے میں 3 بار کریں۔ باہر نکلنے سے پہلے سن بلاک لازمی لگائیں۔