میری 76 سالہ بوڑھی ماں گھر میں اکیلی ہیں اور.. نادیہ جمیل بارش سے پریشان! ویڈیو دکھا کر مدد مانگ لی

میری 76 سالہ ماں گھر میں بند ہو کر رہ گئی ہیں۔ مجھے اس حقیقت پر افسوس ہے کہ کل رات مجبوراً اپنی دوست کے گھر رکنا پڑا۔ ہم اپنے بیٹوں کی سالگرہ منا رہے تھے اور پھر بارش کی وجہ سے وہیں پھنس گئے۔ میں اپنی ماں کے پاس نہیں جا سکی اور نہ وہ باہر آسکتی تھیں۔ بارش ایک گھنٹہ اور چلی تو میرا گھر تباہ ہوجائے گا۔ میری والدہ دل کی مریضہ ہیں جبکہ میرے بھائی کو دودھ لینے جانے کے لئے سینے تک پانی میں گزر کر جانا پڑا۔ یہ کتنا افسوس ناک ہے۔“

دکھ سے بھرے ہوئے یہ الفاظ معروف اداکارہ اور کینسر سروائیور نادیہ جمیل کے ہیں۔ نادیہ نے گزشتہ روز لاہور شہر میں ہونے والی طوفانی بارش کے بعد اپنے گھر کے باہر کھڑے پانی کی ویڈیو بھی شئیر کی۔

My 76 year old mother is trapped in the house… again. I’m regretting the fact that I stayed with my best friend last night. We were celebrating my sons birthday and I crashed there. Now I can’t get to my mother. And she can’t get out. In another hour, if the rains continue, this… pic.twitter.com/Y6d4ml5FbF

— Nadia Jamil (@NJLahori) July 5, 2023

اس کے آگے نادیہ جمیل مزید لکھتی ہیں کہ “سیوریج کا پانی ہے کیونکہ ہم گنڈا نالہ سے تھوڑا فاصلہ پر رہتے ہیں۔ یہ پانی انتہائی زہریلا ہے“

اس کے ساتھ نادیہ حکومتی متعلقہ اداروں اور نیوز چینلز کو بھی ٹیگ کرتی ہیں۔ واضح رہے گزشتہ روز لاہور میں ہونے والی بارش کے بعد کئی علاقوں میں پانی گھروں کے اندر داخل ہوگیا جبکہ شاد باغ کی چائنا اسکیم اور شاہ جمال، تاج پورہ کے گھر پانی سے بھر گئے۔