معدہ، مثانہ اور گردے کی بیماریوں سے بچاؤ کے لیے بتھوے کا ساگ انتہائی مفید ! لیکن کیسے؟

Bathua Saag Benefits

سردی کے موسم میں مختلف اقسام کے ساگ ہر گھر میں پکائے اور کھائے جاتے ہیں، لیکن یہ ساگ بذاتِ خود کس قدر فائدے مند ہیں یہ کم ہی لوگ جانتے ہیں، آج ہم سرسوں کے ساگ کی نہیں بلکہ ایک اور بہت ذائقہ دار بتھوے کے ساگ کا ذکر کر رہے ہیں جو دکھنے میں تو جنگلی پتوں کی طرح ہوتا ہے، لیکن اس کا ذائقہ بہت لذیذ ہوتا ہے۔ یہ ہر گرم ملک میں پایا جاتا ہے، ایشیائی ممالک میں تو باتھوے کا ساگ پکا کر کھایا جاتا ہے یا کھانے کے دیگر آئٹمز میں ڈلتا ہے لیکن دنیا بھر میں اس کے بیجوں کو استعمال کیا جاتا ہے۔ اس کے بیج بھی بہت فائدے مند ہیں یہ ہر دوائی میں ڈالا جاتا یے۔

ماہرین کا کہنا ہے کہ باتھو زود ہضم اور قبض کشا ہے، حرارت جگر اور گرم بخاروں میں اس کا شمار خصوصیات سے بھر پور ہے بشرطیکہ بطور سالن میں استعمال کیا جائے۔ اگر دن میں 4 یا 5 مرتبہ بتھوا کے پتوں کا رس برص (کوڑھ) کے سفید داغوں پر لگایا جائے یا پتوں کو داغوں پر مل دیا جائے تو چالیس روز کے اندر داغ ختم ہوجائیں گے۔

بتھوا کا ساگ مثانہ کی پتھری کو توڑتا ہے جس کے استعمال کا طریقہ یہ ہے کہ 5 تولے بتھوا کے پتے کوٹ کر دیں، دس توے پانی ملا کر پینے سے مفید ثابت ہوتا ہے اور گردہ کا درد فوری بند ہو جاتا ہے۔ گردہ یا مثانہ کی پتھری کو فورا خارج کر دیتا ہے، بتھوا کے رس میں نمک ملا کر پلانے سے پیٹ کے کیڑے مر جاتے ہیں، اس کا ساگ کھلاتے رہنے سے بواسیر دور ہو جاتی ہے، بتھوا کے رس میں مصری ملا کر پینے سے پیشاپ کی کمی دور ہو جاتی ہے، اس کا ساگ تلی اور دیگر بیماریوں میں نہایت مفید ہے۔

بتھوا کے خاص فوائد:۔

*قطرہ قطرہ پیشاب آنے کی صورت میں بتھوا اُبال کر اس کا جوشاندہ پیا جائے تو گردے اور پتے کی پتھری خود بہ خود نکل جاتی ہے۔

*بتھوا میں حیاتین الف،ب اورج(وٹامن اے،بی اور سی)کثرت سے پائے جاتے ہیں۔

*بتھوا قبض کشا سبزی ہے۔

* بتھوا خون صاف کرنے کے ساتھ جسمانی طاقت بھی بحال کرتا ہے۔

*پھیپھڑوں اور دق کے مریضوں کے لیے اس کا استعمال انتہائی فائدہ مند ہے۔

*بتھوا کا استعمال پیٹ کے کیڑے بھی مارتا ہے۔

* بتھوا کا تیل بھی نکالا جاتا ہے جو کیچوؤں خارج کرنے کے لیے کھلایا جاتا ہے۔

Bathua Saag Benefits