ہاتھ میں گلدستہ لیئے انتظار کیا اور۔۔ ایک اور امریکی خاتون نکاح کی خاطر پاکستان پہنچ گئی! پھر کیا ہوا؟

American Woman Marries Pakistani Man From Upper Dir

محبت کی کوئی سرحد نہیں ہوتی — اور یہ سچ کر دکھایا شکاگو کی رہائشی مینڈی نے، جو ہزاروں میل کا فاصلہ طے کر کے پاکستان کے خوبصورت پہاڑی علاقے اپر دیر آن پہنچی، صرف اس نوجوان سے نکاح کرنے کے لیے جس سے اس کی دوستی فیس بک پر ہوئی تھی۔

مینڈی اور ساجد زیب خان کی کہانی دو برس قبل ایک اتفاقی چیٹ سے شروع ہوئی۔ باتوں کا سلسلہ بڑھا، دوستی محبت میں بدلی، اور مینڈی نے ساجد کو پروپوز کر دیا۔ ساجد نے بھی بغیر کسی ہچکچاہٹ کے "ہاں" کر دی، اور دونوں نے اپنے اہلِ خانہ کو اعتماد میں لے لیا۔

اب، وہ لمحہ آ گیا ہے۔

اتوار کے روز، اسلام آباد ایئرپورٹ پر ساجد نے گلدستے کے ساتھ اپنی محبت کا استقبال کیا۔ بعد ازاں، دونوں اپنے آبائی گاؤں عشیرئی درہ، صدیقہ بانڈہ پہنچے، جہاں پورا علاقہ ان کی محبت کی کہانی سے خوشی سے جھوم اُٹھا۔

ساجد کا کہنا ہے کہ مینڈی نے مقامی روایات، اسلامی اقدار اور خاندانی رسم و رواج کو مکمل احترام کے ساتھ قبول کیا ہے۔ نکاح کل سادگی سے انجام دیا جائے گا۔

دوسری جانب مینڈی کا کہنا ہے، میں پہلی بار پاکستان آئی ہوں، اور یہاں آ کر خوشگوار حیرت ہوئی۔ یہ ملک خوبصورت، پُرامن اور لوگوں سے بھرپور محبت کرنے والا ہے۔

یہ کہانی ایک بار پھر یاد دلا رہی ہے کہ سچی محبت نہ صرف دلوں کو جوڑتی ہے بلکہ دنیا کے فاصلے بھی مٹا دیتی ہے۔