رات بھر بھگو کر صبح کھا لیں۔۔ جانیں سردیوں میں بھیگے بادام کھانا کیوں ضروری ہیں؟ جو بہت کم لوگ جانتے ہیں

Badam Ko Bhigo Kar Khane Ke Fayde

سرد موسم جہاں خوشگوار احساس دیتا ہے، وہیں جسم کو اضافی غذائیت اور حرارت کی بھی ضرورت ہوتی ہے۔ ایسے میں اگر کوئی چھوٹی سی عادت آپ کی توانائی، صحت اور ذہنی کارکردگی کو یکساں طور پر بہتر بنا سکتی ہے تو وہ ہے صبح کے وقت بھیگے بادام کھانے کی عادت۔ یہ سادہ سا عمل سردیوں میں جسم کے لیے واقعی ایک قدرتی ٹانک ثابت ہوتا ہے۔

بھیگے بادام کھانے کے فائدے:

بادام غذائیت سے بھرپور خشک میوہ ہے، لیکن جب انہیں رات بھر پانی میں بھگو دیا جائے تو ان کی غذائیت جسم میں زیادہ آسانی اور تیزی سے جذب ہوتی ہے۔

ہاضمہ بہتر:

بھگوئے ہوئے بادام نرم ہونے کے ساتھ ساتھ انزائم اِنہیبٹرز سے پاک ہو جاتے ہیں، جو انہیں مزید ہاضم اور مؤثر بناتے ہیں۔ سردی کے موسم میں ہمارا میٹابولزم نسبتاً سست ہو جاتا ہے، ایسے میں بھیگے بادام نہ صرف ہاضمہ بہتر بناتے ہیں بلکہ صبح کے ناشتے میں شامل ہونے پر دن بھر کی توانائی بھی فراہم کرتے ہیں۔

ذہنی سستی دور اور یاداشت بہتر:

سردیوں میں ذہنی سستی، بھولنے کی عادت اور کمزوری عام ہو جاتی ہے۔ ایسے میں بھیگے بادام میں موجود وٹامن ای اور اومیگا-3 فیٹی ایسڈز دماغی سرگرمی کو تیز کرتے ہیں، یادداشت بہتر بناتے ہیں اور ذہن کو چست رکھتے ہیں۔ اسکول جانے والے بچوں اور ذہنی دباؤ میں مبتلا بڑوں کے لیے یہ قدرتی برین بوسٹر ہے۔

خشکی دور اور چمک بحال:

اس کے علاوہ، سردیوں میں جلد خشک ہونے لگتی ہے۔ بھیگے بادام میں موجود صحت مند چکنائیاں اور اینٹی آکسیڈنٹس جلد کو نمی فراہم کرتے ہیں، خشکی کم کرتے ہیں اور اس کی قدرتی چمک بحال کرتے ہیں۔ یہی نہیں، یہ جسم میں حرارت پیدا کر کے سردی سے نمٹنے میں بھی مدد دیتے ہیں۔

دل صحتمند:

دل کی صحت کے حوالے سے بھی بادام بےحد مفید ہیں۔ باقاعدگی سے استعمال کولیسٹرول کو متوازن رکھتا ہے، بلڈ پریشر کو بہتر کرتا ہے اور خون کی روانی میں بہتری لاتا ہے۔ سردیوں میں جب جسمانی سرگرمیاں کم ہو جاتی ہیں، یہ فوائد اور بھی اہم ہو جاتے ہیں۔

مختصر یہ کہ سردیوں میں روزانہ صبح بھیگے ہوئے بادام کھانا ایک آسان، فائدہ مند اور صحت بخش عادت ہے جو جسم اور ذہن دونوں کو مضبوط بناتی ہے۔ یہ چھوٹی سی تبدیلی آپ کی پوری سردی کو زیادہ صحت مند، چست اور توانائی سے بھرپور بنا سکتی ہے۔