بڑھتی عمر گھٹائیں، پھر سے جوان ہو جائیں جانیں ایک جادوئی ڈرنک بنانے کا طریقہ اور اس کے حیرت انگیز فوائد

ہمارے جسم کے باقی حصوں کی طرح جلد کو بھی اچھی صحت برقرار رکھنے کے لئے کچھ ضروری غذائی اجزاء کی ضرورت ہوتی ہے، ہمارے اردگرد کی ماحولیاتی تبدیلیاں، طرزِ زندگی اور کھانا پینا ہمارے جسم کے دیگر اعضاء کے ساتھ ساتھ ہماری جلد کو بھی نقصان پہنچاتے ہیں۔
ان کو اندرونی طور پر ختم کرنے اور ان کا مستقل علاج کرنے کے لئے آج ہم آپ کو بتانے والے ہیں، ناریل اور ہلدی سے بنی ایک ڈرنک کو تیار کرنے کے طریقہ اور اس کے حیرت انگیز فوائد، تاکہ آپ بھی کر سکیں اس کا استعمال اور اپنی بڑھتی عمر کے اثرات کو کم کر سکیں۔

• اینٹی ایجنگ ناریل اور ہلدی ڈرنک بنانے کی ترکیب

اس نسخے کے اجزاء میں کیلے، انناس، ناریل کا دودھ، ناریل کا تیل، ادرک، دار چینی اور ہلدی شامل ہیں، اگر آپ اپنی جلد کی صحت کو بہتر بنانے کے خواہاں ہیں تو یہ شربت آپ کی غذا میں ایک طاقتور اضافہ ثابت ہو سکتا ہے۔
ناریل کا تیل اور دودھ صحت مند چربی اور اہم وٹامن کا ذریعہ ہیں، ادرک اور ہلدی دونوں جڑوں کا مصالحہ ہیں جن کے بارے میں کہا جاتا ہے کہ جلد کی لچک کو بہتر بنانے اور سوزش ختم کرنے کے ذریعے عمر رسیدہ افراد کی جلد کو جوان رکھنے کے لئے فائدے مند ہے، چلیں پھر اس کی ترکیب بھی جان لیں اور سے ہی استعمال شروع کریں۔
• اس ڈرنک کو بنانے کے لئے 2 کیلوں اور 4 سے 6 ٹکڑے انناس کو چاپ کر لیں۔
• ان کو ایک پیالے میں نکالیں اور ان میں پسی ہوئی ادرک ایک چائے کا چمچ، ناریل کا تیل ایک چائے کا چمچ ، دار چینی پاؤڈر ایک چٹکی، ہلدی پاؤڈر ایک چٹکی ملائیں ۔
• اب اس میں ایک کپ ناریل کا دودھ ملا کر مکس کریں۔
• اس ڈرنک کو میٹھا کرنے کے لئے آپ ایک چائے کا چمچ شہد بھی ملا سکتے ہیں۔
• روزانہ اس ڈرنک کا استعمال کریں، اور پائیں ترو تازہ لچکدار اور جوان جلد۔