سردی کے موسم میں بند ناک سے پریشان ہیں؟ جانیئے بِنا کسی دوائی یا جڑی بوٹی کے بند ناک کھولنے کا بہترین طریقہ

ہر مسئلے کے لئے ڈاکٹر کے پاس جانا بھی ایک مسئلہ ہے کیونکہ آج کل کی مصروف طرزِ زندگی میں وقت کس کے پاس ہے، بند ناک سے نجات کے لئے ہم گھر میں ہی موجود ادویات کا استعمال کرتے ہیں جیسے وکس لگانا یا کوئی ناک کھالنے کا ڈراپ وغیرہ لیکن اگر اس سے بھی آرام نہ آئے تو آپ ہماری بتائی ہوئی ایک ٹپ آزما کر بھی بنا کسی دوائی یا جڑی بوٹی کے بند ناک کو با آسانی کھول سکتے ہیں۔
وہ کیسے؟ آیئے آپ کو بتاتے ہیں تاکہ آپ بھی کے فوڈز کے بتائے ہوئے اس مشورے پر عمل کر کے سردی کے موسم میں بند ناک سے نجات حاصل کر سکیں۔

• بند ناک کھولنے کی بہترین ٹپ

اگر دوائیوں کے بغیر آپ بند ناک سے نجات حاصل کرنا چاہتے ہیں تو کے فوڈز کے بتائے ہوئے ان دو مشوروں پر عمل کریں۔

• پہلی ٹپ

بند ناک کھولنے کے لئے اپنے انگوٹھے اور زبان کا استعمال کریں، اپنے انگوٹھے کے ساتھ اپنی بھنووں کے درمیانی حصے کو تین سے چار سیکنڈ کے لئے دبائیں اور پھر اپنی زبان کو منہ کے اوپر والے حصے سے لگا دیں، اس حرکت کی وجہ سے آپ کے ناک کے اندر موجود بلغم باہر آئے گا۔اس عمل کو 20سیکنڈ تک باری باری دہرائیں۔ اس عمل سے آپ کو کافی سکون محسوس ہوگا اور آپ کھل کر سانس لے سکیں گے، اور ناک چند ہی منٹوں میں کھل جائے گی۔

• دوسری ٹپ

اپنی چھوٹی انگلی کا استعمال کریں دیکھنے میں یہ بہت عجیب محسوس ہوگا مگر کر کے دیکھیں آپ اس کے نتائج دیکھ کر حیران رہ جائیں گے، اپنے دائیں ہاتھ کی چھوٹی اُنگلی کو اپنے منہ میں لے جائیں اور جتنا ہوسکے بائیں جانب حلق کے گوشت کو چھوئیں آخری دانت سے جتنا بھی پیچھے لیجا سکیں کوشش کر کے چھوٹی انگلی پیچھے لے کر جائیں اور اسے اوپر کی جانب دبائیں۔
اس عمل کو تین سیکنڈ تک کرنے سے چہرے میں کچھ مسلز حرکت میں آجائیں گے اور بلغم باہر آجائے گا، آپ کی بند ناک کھُل جائے گی اور آپ سکون سے سانس کے سکیں گے۔