5 وقت کی نماز اور اب غریب لڑکیوں کی شادی کا انتظام ۔۔ اسلام آباد کی مسجد میں مفت شادی کا انتظامات کرکے اعلیٰ مثال قائم کردی گئی

مسجد میں 5 وقت کی نماز کے ساتھ فلاح و بہبود کے کام بھی ہوں تو لوگوں کی مذہب سے دلجوئی بڑھ جاتی ہے۔ مسجد میں پہلے کے دور میں ہر قسم کے مسائل کو دور کرنے کے لیے اسلامی تعلیمات سے مدد لیتے ہوئے مسائل کا حل کیا جاتا تھا لیکن جب سے لوگوں نے اس مشق سے دوری اختیار کی وہ مشکلوں میں گھرے رہ گئے۔

مگر اب سوشل میڈیا پر اسلام آباد کی ایک مسجد نے اُس وقت سب کی توجہ حاصل کی جب غرباء کے لیے مسجد کے دروازے کچھ اس طرح کھولے گئے کہ سب حیران رہ گئے۔

دی نیوز انٹرنیشنل کی رپورٹ کے مطابق اسلام آباد کی مقامی مسجد رحمت اللعالمین کی جانب سے ایک ایسا ہی سماج دوست قدم اٹھایا گیا ہے، جو کہ سب کی بخوبی حاصل کر رہا ہے۔

مسجد انتظامیہ کی جانب سے ایک میرج ہال بنایا گیا ہے، جہاں غریب اور مجبور افراد اپنی بیٹیوں کی شادی کرا سکتے ہیں۔ دلچسپ بات یہ بھی ہے کہ اس میرج ہال کا کوئی کرایہ بھی نہیں یعنی بالکل مفت۔

شادی کی تقریب میں صرف میرج ہال ہی نہیں بلکہ ہال میں موجود کرسیاں، ٹیبل، کھانے کے برتن، وہٹرز کی سہولت بھی دی جا رہی ہے، یتیم اور مجبور بیٹیوں کے لیے یہ سہولت ایک ایسا قدم ہے جو معاشی تنگدستی کے اس دور میں امید کی کرن بن کر ضرور سامنے آئے گا۔

میرج ہال میں اسٹیج بھی موجود ہے، جبکہ شادی کا زیادہ سے زیادہ وقت 3 گھنٹے مقرر کیا گیا ہے، جبکہ نکاح کا خطیب بھی اپنی مرضی کا لے آ سکتا ہیںَ

ہال بُک کرنے کے لیے مسجد انتظامیہ سے رابطہ کیا جا سکتا ہے، جبکہ اس اقدام کا مقصد بھی مستحق فیملیز کے لیے سہولت فراہم کرنا اور نکاح کے عمل کو آسان بنانا ہے۔