سر کی آئلی جلد سے بال جلدی چپچپے ہوجاتے ہیں۔۔ جانیں ڈاکٹر بلقیس جڑوں کی چکنائی دور کرنے کے لیئے کون سا مفید طریقہ بتاتی ہیں؟

اکثر لوگوں کی بالوں کی جڑیں اتنی چکنی رہتی ہیں کہ شیمپو کرنے کے تھوڑی دیر بعد ہی بال چپچپے لگنے لگتے ہیں اور کچھ کے تو بالوں میں سے عجیب قسم کی بُو بھی آنے لگتی ہے، ایسے میں بال کمزور ہوجاتے ہیں اور زیادہ تیزی سے گرتے ہیں۔
اس مسئلے کے لیئے ڈاکٹر بلقیس ایک آسان سی ریمیڈی بتاتی ہیں، اور وہ کیا ہے؟ آئیے آپ کے ساتھ شئیر کرتے ہیں

آئلی بالوں/ سر کی چکنی جلد کیلیئے:

اس ریمیڈی کو تیار کرنے کے لیئے آپ کو بس 2 چیزوں کی ضرورت ہے
1۔ اُناب 50 گرام
2۔ ریٹھا 50 گرام
یہ دونوں چیزیں آپ کو پنساری کی دکان سے باآسانی مل جائیں گی

طریقہ کار:

۔ اُناب اور ریٹھے کو الگ الگ پیالے میں پانی میں ڈال کر رات بھر کیلیئے بھگو دیں
۔ اگلی صبح دونوں کو علیحدہ برتنوں میں پانی سمیت ڈال کر، اس میں تھوڑا اور پانی شامل کریں اور ہلکی آنچ پر پکنے کے لیئے چھوڑ دیں
۔ 1 گھنٹے بعد دونوں کو ایک ہی برتن میں چھان لیں، اب پانی کو روم ٹیمپریچر پر ٹھنڈا کر لیں، یاد رکھیں اس پانی کو کسی بوتل میں نہیں بھرنا بلکہ پیالے میں ہی رکھیں ہلکا ڈھکن لگا کر۔

لگانے کا طریقہ:

اس پانی کو نہانے سے آدھا گھنٹہ پہلے اپنے بالوں کی جڑوں پر اچھی طرح سے لگا کر مساج کریں، اور پھر ہلکے شیمپو سے سر دھو لیں۔ اس ریمیڈی کو ہر بار نہانے سے پہلے استعمال کریں، ان شاء اللّٰہ بالوں میں فرق آپ خود سیکھیں گے۔