شہروز پہلے بہت ضدی تھا۔۔ صدف کنول نے پورے گھر کو کیسے سمیٹا؟ بہروز سبزواری نے تعریفوں کے پل باند دیے

Bahroze Sabzwari Nay Sadaf Kanwal KI Tarif Kar Di

"شادی کے سال گزرنے کے ساتھ ہمارا رشتہ مزید مضبوط ہوتا چلا گیا۔ خواتین کو شادی نبھانے کے لیے بہت زیادہ کوششیں کرنی پڑتی ہیں، مگر بہروز نے بھی ہمارے رشتے کو کامیاب بنانے میں بہت جدوجہد کی۔"

مشہور اداکار بہروز سبزواری اور ان کی اہلیہ صفینہ بہروز نے حال ہی میں ایک انٹرویو میں اپنی کامیاب ازدواجی زندگی، بیٹے، بہو اور پوتیوں سے اپنے تعلقات کے حوالے سے کھل کر بات کی۔ انٹرویو کے دوران کئی چونکا دینے والے انکشافات بھی سامنے آئے، جن میں سب سے زیادہ حیران کن بہروز سبزواری کا یہ کہنا تھا کہ اگر ان کی اہلیہ شوبز کی پیچیدگیاں نہ سمجھتیں، تو شاید ان کی شادی برقرار نہ رہتی۔

بہروز سبزواری نے اپنی اہلیہ کی تعریف کرتے ہوئے کہا کہ وہ ان کی خوش قسمتی ہیں۔ انہوں نے مزید کہا، "میں نے صفینہ کا نام بلقیس ایدھی رکھا ہوا ہے، کیونکہ وہ برا کرنے والوں کے ساتھ بھی شفقت اور محبت سے پیش آتی ہیں۔" ان کے مطابق شوبز انڈسٹری میں کام کرنے کی نوعیت عام ازدواجی زندگی سے مختلف ہوتی ہے، جہاں بعض اوقات افواہیں اور دباؤ رشتوں کو متاثر کرتے ہیں، مگر صفینہ نے ہمیشہ تحمل سے کام لیا۔

صفینہ بہروز کا کہنا تھا کہ شادی شدہ زندگی کو چلانے کے لیے صرف عورت کو ہی نہیں بلکہ مرد کو بھی محنت کرنی پڑتی ہے۔ ان کے مطابق، "بہروز کا مزاج کبھی کبھی سخت ہو جاتا ہے، مگر اب میں اس کی عادی ہو چکی ہوں۔" انہوں نے مزید کہا کہ اگر دونوں طرف سے محبت اور صبر کا دامن تھام کر رکھا جائے تو رشتہ مضبوط ہوتا چلا جاتا ہے۔

بہروز سبزواری اور صفینہ بہروز نے اپنی بہو صدف کنول کے بارے میں بھی محبت بھرے خیالات کا اظہار کیا۔ ان کا کہنا تھا کہ صدف نے نہ صرف شہروز کی زندگی کو خوبصورتی سے سنوارا بلکہ پورے خاندان کو ایک ساتھ جوڑ لیا ہے۔ بہروز سبزواری نے کہا، "صدف اتنی اچھی لڑکی ہے کہ اس نے پورے خاندان کو سمیٹ لیا ہے۔ وہ سب کے دل جیت چکی ہے اور پورے خاندان کی آنکھ کا تارا ہے۔"

بیٹے اور بہو کے تعلق کے حوالے سے بات کرتے ہوئے انہوں نے کہا کہ شہروز کسی بھی اہم فیصلے سے پہلے سب سے پہلے اپنی بیوی اور اس کے بعد والد سے مشورہ کرتا ہے۔ ان کے مطابق، بیٹے اور بہو کا رشتہ نہ صرف اعتماد پر قائم ہے بلکہ دونوں ایک دوسرے کو سمجھداری اور بردباری کے ساتھ لے کر چل رہے ہیں، جو کہ ایک کامیاب ازدواجی زندگی کی علامت ہے۔

بہروز اور صفینہ بہروز نے اپنی پوتیوں کے حوالے سے بھی خوشی کا اظہار کیا اور بتایا کہ وہ اپنی اولاد سے زیادہ اپنی پوتیوں نورے اور زہرہ کو پیار کرتے ہیں۔ صفینہ بہروز نے مسکراتے ہوئے کہا، "نورے زیادہ شرمیلی ہے اور کم بولتی ہے، جبکہ زہرہ چلبلی اور شرارتی ہے۔"

جب شہروز کی دوسری شادی کا ذکر آیا تو صفینہ بہروز نے اس وقت کے جذبات کا اظہار کرتے ہوئے کہا، "جب شہروز نے صدف کنول سے شادی کی بات کی، تو سب سے پہلے مجھے بتایا۔ وہ وقت ہمارے لیے مشکل تھا، مگر اللہ نے خیر سے گزار دیا۔"

بہروز سبزواری نے اپنے بیٹے کی تعریف کرتے ہوئے فخر سے کہا، "اللہ سب کو میرے بیٹے جیسا بیٹا، شوہر اور باپ دے!" انہوں نے مزید کہا کہ شہروز کی اچھی تربیت اور خاندان کو یکجہتی کے ساتھ جوڑے رکھنے کا سہرا مکمل طور پر ان کی اہلیہ صفینہ کو جاتا ہے، جنہوں نے ہمیشہ ہر رشتے کو جوڑ کر رکھا۔

بہروز اور صفینہ بہروز کی باتوں سے اندازہ ہوتا ہے کہ شادی شدہ زندگی صرف سمجھوتے کا نام نہیں، بلکہ ایک دوسرے کو سمجھنے، صبر اور محبت کے امتزاج سے ایک کامیاب رشتہ قائم کیا جاتا ہے۔ جب صفینہ بہروز سے پوچھا گیا کہ شادی کا راز کیا ہے، تو انہوں نے مسکراتے ہوئے کہا، "محبت، محنت اور صبر!