انجیر کھانے کے 22 فائدے

انجیر کو جنت کا پھل کہا جاتا ہے ۔ قرآن مجید میں اللہ تعالی نے انجیر کی قسم یا د فرمائی ہے کہ قسم ہے انجیر کی اور زیتون کی اور طورسینا کی ( سورہ التین) ۔ یہ کمزور اور دبلے لوگوں کے لئے بیش بہا نعمت ہے ۔ نجیر جسم کو فربہ اور سڈول بناتا ہے ۔ چہرے کو سرخ و سفید رنگت عطاکرتا ہے ۔ انجیر کا شمار عام اور مشہور پھلوں میں ہوتا ہے ۔
پھگوڑی انجیر کو بنگالی میں آنجیر ، عربی میں تین اور انگلش میں فِگ ، یمنی میں بلس ، سنسکرت ، ہندی ، مرہٹی اور گجراتی میں انجیر اور پنجابی میں ہنجیر کہتے ہیں ۔ اس کا نباتاتی نام فیک کیریکا ہے ۔

عام پھلوں میں یہ سب سے نازک پھل ہے اور پکنے کے بعد خود بخودہی گرجاتا ہے اور دوسرے دن تک محفوظ کرنا بھی ممکن نہیں ہوتا ۔ فریج میں رکھنے سے یہ شام تک پھٹ جاتا ہے ۔ اس کے استعمال کی بہترین صورت اسے خشک کرنا ہے ۔ اسے خشک کرنے کے دوران جراثیم سے پاک کرنے کے لئے گندھک کی دھونی دی جاتی ہے اور آخر میں نمک کے پانی میں ڈبوتے ہیں تاکہ سوکھنے کے بعد نرم و ملائم انجیر کھانے میں خوش ذائقہ ہو ۔ اس لئے ہر عمر کے لوگوں میں اسے پسند کیا جاتا ہے ۔ عرب ممالک میں خاص طور پر اسے پسند کیا جاتا ہے ۔ ہمارے ہاں بھی بکثرت دستیاب ہے اور اسے ڈوری میں ہار کی شکل میں پروکرمارکیٹ میں لاتے ہیں ۔ یہ بنیادی طور پر مشرقی وسطی اور ایشیائے کو چک کاپھل ہے ۔ اگرچہ یہ برصغیر پاک و ہند میں بھی پایا جاتا ہے ۔ مگر اس علاقے میں مسلمانوں کی آمد سے پہلے اس کا سراغ نہیں ملتا ۔ اس لئے یہ خیال کیا جاتا ہے کہ عرب سے آنے والے مسلمان اطباء یا ایشیائے کو چک سے منگول اور مغل اسے یہاں لائے ۔ انجیر کے اندر پروٹین ، معدنی اجزاء شکر ، کیلشیم ، فاسفورس پائے جاتے ہیں ۔ دونوں انجیر یعنی خشک اور تر میں وٹامن اے اور سی کافی مقدار میں ہوتے ہیں ۔ وٹامن بی اور ڈی قلیل مقدار میں ہوتے ہیں ۔ ان اجزاء کے پیش نظر انجیر ایک مفید غذائی دوا کی حیثیت رکھتا ہے اس لئے عام کمزوری اور بخار میں اس کا استعمال اچھے نتائج کا حامل ہوگا ۔

انجیر کو بطور میوہ بھی کھایا جاتا ہے اور بطور دوا بھی استعمال کیا جاتاہے ۔ یہ قابل ہضم ہے اور فضلات کو خارج کرتا ہے ۔ مواد کو باہر نکال کر شدت حرارت میں کمی کرتا ہے ۔ جگر اور تلی کے سدوں کو کھولتاہے ۔ انجیر کی بہترین قسم سفید ہے ۔ یہ گردہ اور مثانہ سے پتھری کو تحلیل کرکے نکال دیتا ہے ۔ زہر کے مضر اثرات سے بچاتا ہے ۔ انجیر کو مغر بادام اور اخروٹ کے ساتھ ملا کر استعمال کریں تو یہ خطرناک زہروں سے محفوظ رکھتا ہے اگر بخار کی حالت میں مریض کا منہ بار بار خشک ہوجاتاہوتو اس کا گود ہ منہ میں رکھنے سے یہ تکلیف رفع ہو جاتی ہے ۔ اس کو نہار منہ کھانا بہت فوائد کا حامل ہے ۔

اس کے علاوہ اس کے بے شمار فوائد ہیں ۔
* انجیر کو دودھ میں پکا کر پھوڑوں پر باندھنے سے پھوڑے جلدی پھٹ جاتے ہیں ۔
* انجیر کو پانی میں بھگو کر رکھیں ۔ چند گھنٹے بعد پھول جانے پر دن میں دوبار کھائیں ، دائمی قبض دور ہو جاتی ہے ۔
* خشک انجیر کو رات بھر پا نی میں رکھ دیا جائے تو وہ تازہ انجیر کی طرح پھول جائے گا ۔ اسے کھانے سے گلہ بیٹھ جانا یا بند ہوجانے کے امراض پیدا نہیں ہوتے ۔
* سردی کے ایام میں بچوں کو خشک انجیردی جائے تو ان کی نشوونما کے لئے بے حد مفید ہے ۔
* انجیر زودہضم ہے اور دانتوں کے لئے بہترین ہے ۔
* کم وزن والوں اور دماغی کام کرنے والوں کے لئے انجیر بہترین تحفہ ہے ۔
* انجیر کھانے سے آدمی مرض قولنج سے محفوظ رہتا ہے ۔
* کھانے کے بعد چند دانے انجیر کھانے سے غذائیت حاصل ہونے کے علاوہ قبض کا بھی خاتمہ ہو جاتا ہے ۔
* کھانسی ، دمہ اور بلغم کے لئے بھی مفید ہے ۔
* انجیر کھانے سے منہ کی بدبو ختم ہوجاتی ہے ۔
* انجیر کا باقاعدہ استعمال سر کے بالوں کو دراز کرتا ہے ۔
* انجیر کو سرکہ میں ڈال کر رکھ دیں۔ ایک ہفتہ بعد دو تین انجیرکھانے کے بعد کھانے سے تلی کے ورم کو آرام آجاتا ہے ۔
* انجیر کو دودھ کے ساتھ استعمال کرنے سے رنگت نکھر آتی ہے اور جسم فربہ ہوجاتا ہے ۔
* تازہ انجیر توڑنے سے جو دودھ نکلتا ہے اس کے دو چار قطرے برص پر ملنے سے داغ ختم ہو جاتے ہیں ۔
* انجیر پیاز کی شدت کو کم کرتا ہے ۔
* جن لوگوں کو پسینہ نہ آتا ہو ، ان کے لئے انجیر کا استعمال مفید ہے ۔
* انجیر خون کے سرخ ذرات میں اضافہ کرتا ہے اور زہریلے مادے ختم کرکے خون کو صاف کرتا ہے ۔
* جن لوگوں کی ضعف دماغ ( دماغ کی کمزوری) کی شکایت ہو ، وہ اس طرح ناشتہ کریں کہ پہلے تین چار انجیر کھائیں ، پھر سات دانے بادام ، ایک اخروٹ کا مغز ، ایک چھوٹی الائچی کے دانے پیس کر پانی میں چینی ملا کر پی لیں ۔
* کمر میں درد ہوتو انجیر کے تین چار دانے روزانہ کھانے سے درد سے نجات مل جاتی ہے ۔
* بواسیر کی شکایت ہوتو انجیر کا استعمال نہایت مفید ہے ۔ اس کے استعمال سے پرانی سے پرانی بواسیر کا بھی خاتمہ ہوجاتا ہے ۔
* میتھی کے بیج اور انجیر کو پانی میں پکا کر شہد میں ملاکر کھانے سے کھانسی کی شدت کم ہوجاتی ہے ۔
* انجیر تازہ اور نرم لینی چاہیے ۔ کالی اور سوکھی انجیر میں بعض اوقات سفید کیڑے نظر آتے ہیں ۔ ایسی انجیر بہت نقصان دہ وہوتی ہے ۔

Anjeer (fig) is termed as a 'fruit of heaven'. This is splendour of anjeer. Then how is it possible for the fig fruit to be useless.

Anjeer has lots of health benefits, for skin, for pregnancy, for kids development, for mental health for constipation and for what not. It is really a fruit gifted from GOD. From a list of its countless benefits, we are presenting here top 23 benefits of fig fruit. Many of us only think of it as it can help increase weight, it removes constipation or for some other common uses however let KFoods.com reveal that it can benefit you farther than you can think.

It is loaded with natural nutrients such as proteins, minerals, calcium and phosphorus. Dry and soaked, both forms of figs are rich in vitamin A and C. It better should be known as a medication instead of a dry fruit.

Let's explore the top 23 health advantages of Anjeer fruit.

By Aqib Shehzad    |    In Health and Fitness   |    14 Comments    |    111023 Views    |    07 Apr 2019

Comments/Ask Question

Zaitoon kay fawaaed

Dec 27, 2020 Nargis Quetta

Anjeer is a good source of soluble fibre which helps in keeping you full for longer periods of time and relieves constipation. This is counted among the oldest fruits consumed by humans.

Feb 07, 2019 Jamaal Karachi

I love to eat injeer

Oct 18, 2018 Junaid Karachi

this is a delicious and great thing and I always use this and I like this I know about this but again say thanks kfoods

Mar 01, 2018 shahzad lahore

Yeah real mien kamal ki cheez huy

Oct 31, 2017 Azhar Abbas Malik Multan

What is the relation of Teen with Zetoon? point to think.

Oct 26, 2017 Waseem Akhtar Havelian

Good Information.

Oct 26, 2017 Tariq Aleem Mehdi Lahore

I love this post

Oct 26, 2017 رفیق خانیوال

anjeer k best faidy hain

Jul 03, 2017 asad ijaz karachi

I love this post

Oct 29, 2016 Ali Karachi

Use Anjeer

Oct 01, 2016 AbdulRashidBhati Churu RajasthanIndia

I eat one injeer everyday. It is very beneficial for health. You can improve lots of your things by eating this dry fruit.

Mar 09, 2016 Salama

Anjeer is discussed in Holy Qur'an and if something is discussed there, there is no doubt about its benefits.

Feb 24, 2016 Shah Alam

Anjeer has miraculous benefits. And when it has been mentioned in Quran e Majeed, then no one can deny it's effectiveness for health. I eat 1 dry fig everyday and I feel better. That's right!

Feb 12, 2016 Salman Mirza Karachi

Read Blog about انجیر کھانے کے 22 فائدے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (انجیر کھانے کے 22 فائدے) and how to utilize other natural ingredients to cure diseases, easy recipes, and other information related to food from KFoods.