دلہن کو ٹھیلے پر رخصت کرا لیا.. دلہا کی اس حرکت پر لڑکی نے کیا کیا؟ ویڈیو

شادی کے روایتی خوابوں کو توڑتے ہوئے ایک دلہا نے اپنی دلہن کو گھر لے جانے کے لیے کسی مہنگی گاڑی یا شاندار لینڈ کروزر کے بجائے ایک سادہ ٹھیلے کا انتخاب کیا، جس نے انٹرنیٹ پر دھوم مچا دی۔

سوشل میڈیا پر گردش کرتی اس ویڈیو میں دولہا اور دلہن شادی کے روایتی لباس میں نظر آ رہے ہیں، جہاں دلہا اپنی دلہن کو ٹھیلے پر بٹھا کر نہایت خوش دلی کے ساتھ سڑکوں پر گھوم رہا ہے۔ ارد گرد کے لوگوں کی نظریں اور حیرت زدہ تاثرات اس منظر کو مزید دلچسپ بنا رہے ہیں۔ ویڈیو میں کبھی دولہا ٹھیلے کو کھینچتا دکھائی دیتا ہے تو کبھی وہ اسے پوری طاقت سے دھکیلتا ہے، اور دلہن اطمینان سے اس سفر کا مزہ لے رہی ہے۔

ویڈیو دیکھنے والوں کے خیالات بھی مختلف ہیں۔ کچھ لوگوں کا ماننا ہے کہ یہ جوڑا محبت اور قربانی کا پیغام دے رہا ہے، جہاں یہ بات واضح کی گئی ہے کہ مادی چیزوں سے زیادہ رشتے میں خلوص اہم ہے۔ دوسری طرف، کچھ لوگوں نے اس انداز کو طنز کا نشانہ بنایا اور کہا کہ آج کل لوگ توجہ حاصل کرنے کے لیے شادی کو بھی ڈرامائی بنا دیتے ہیں۔ البتہ یہ ویڈیو دراصل ایک اشتہار کے طور پر بنائی گئی ہے۔

انسٹاگرام پر شیئر کی گئی یہ ویڈیو، جو @superfastamdavad.live کے اکاؤنٹ سے پوسٹ کی گئی، لاکھوں لوگوں کی توجہ کا مرکز بن چکی ہے۔ کچھ صارفین نے اسے موجودہ دور کی شادیوں کی نئی علامت قرار دیا، جبکہ دیگر نے اس اقدام کو غیر ضروری قرار دیتے ہوئے سوال اٹھایا کہ کیا لوگ اب سڑکوں پر شادیاں کرنا شروع کر دیں گے؟