بچے کے بال سنبھال کر رکھنے چاہیئیں ! پیدا ہونے والے بچوں کے پہلی مرتبہ کاٹے گئے بالوں کا کیا کرنا چاہئیے؟

پیدائشی بچوں کے سر پر بال ہوتے ہیں کچھ کے کم اور کم بچوں کے معمول سے زیادہ ہوتے ہیں ارو یہی وجہ ہے کہ کچھ دنوں کے بعد والدین بچوں کا سر منڈواتے ہیں اور ان اک سر گنجا کروا دیتے ہیں۔ جس سے ان کے بال بھی صاف ہو جاتے ہیں اور ان کو نہلا بھی دیا جاتا ہے تاکہ جو گندگی یا جسم پر میل کچیل لگی ہوئی ہو وہ صاف ہو جائے۔

کہا جاتا ہے کہ بچے کے سر پر موجود پہلے بال یعنی پیدائشی بالوں کو کٹوا کر انہیں اپنے پاس محفوظ کرلینا چاہیے لیکن اس بات میں کتنی حقیقت ہے؟ اور کیا یہ کرنا چاہیے بھی یا نہیں؟

اس حولاے سے فتویٰ آن لائن کے مفتی محمد شبیر قادری کے مطابق: " سنت رسول صلی اللہ علیہ وآلہ وسلم سے نومولود بچے کا سر منڈوا کر بالوں کے برابر چاندی صدقہ کرنے کا ثبوت تو ملتا ہے مگر اُن بالوں کو سنبھال کر رکھنے کی کوئی نظیر نہیں ملتی، لہٰذا پہلے بچے کا سر منڈوا کر بالوں کو سنبھالنا ایک فضول رسم ہے جس کا اسلامی تعلیمات میں کوئی تصور نہیں ہے۔ "

بحوالہ: " ترمذي، السنن، کتاب الأضاحی، باب العقیقة بشاة، 4: 99، رقم: 1519، بیروت، لبنان: دار احیاء التراث العربي "

یعنی:
ساتویں دن بال اتروانا مستحب ہے، پہلے دوسرے دن بچہ کو تکلیف ہوسکتی ہے۔ بال کا وزن کرنا کوئی ضروری نہیں بلکہ وزن کا اندازہ کرکے بھی صدقہ کرسکتے ہیں، کیونکہ صدقہ بھی مستحب درجہ کی چیز ہے، نام رکھنا ماں باپ دونوں کا حق ہے، انھیں کے تعلق سے ان کے والدین کو حق پہنچتا ہے۔
البتہ بچوں کے بال سنبھال کے رکھنے کا اسلام میں نہ کوئی تصور ہے اور نہ ہی ایسی کوئی مثال اسلامی تاریخ میں کبھی سننے کو ملی ہے۔ اس لئے بچے کے بال اتروا کر انھیں اپنے پاس نہیں رکھنا چاہئیے۔